Беҳтарин тарроҳони соли 2016 дар Фестивал — озмуни шаҳрии «Либоси миллӣ» муайян гардиданд

Душанбе, 21.06.2016 /АМИТ «Ховар»/.     Беҳтарин тарроҳони соли 2016  дар Фестивал — озмуни шаҳрии «Либоси миллӣ» муайян гардиданд.
Тавре ки аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд,  фестивал дар   шаҳри Гулистони вилояти Суғд  бо дастгирии  раиси шаҳр Матлубахон Амонзода аз ҷониби бахши кор бо занон ва оила гузаронида шуд.
Бино ба маълумоти манбаъ, ҷамъомади мазкур дар Кохи «Истиқлол»-и шаҳр аз рӯи панҷ шарт, аз ҷумла беҳтарин либоси кӯдакона, расмӣ, идона, рӯзмарра ва қадимӣ бо ҷалби 165 нафар иштирокдор баргузор гардид.
Ба ҳамаи иштирокдорони  хурдсоли Фестивал туҳфаҳои хотиравӣ ва ба ғолибони Фестивал мукофотҳои пулӣ ба маблағи 4000 (чор ҳазор) сомонӣ супорида шуданд,- зикр намуд манбаъ.