Хайру эҳсон дар моҳи шарифи Рамазон аз беҳтарин хислатҳои инсонист

Конибодом, 16.06.2016 /АМИТ «Ховар»/. Некиву хайру эҳсон ва шафқату раҳм намудан, кори савоберо ба иҷро расонидан дар моҳи шарифи Рамазон аз беҳтарин хислатҳои инсонист. Дар ин рӯзҳо ҳар амали хайре, ки ба сомон расонида мешавад, айни муддао буда, боиси дастгирист.
Ронандаи нақлиёти мусофиркаши хатсайри № 5-и  Ҷамъияти дорои масъулияти маҳдуди «Сафар-Канд» Абдурасул Носиров тасмим гирифт, ки дар рӯзи аввали даҳаи дуюми моҳи Рамазон ба аҳолӣ ройгон хизмат расонад. Дар ин рӯз ин ронандаи хайрхоҳ хизмати мусофиронро дар хатсайри №5 ройгон ба ҷо оварда, боиси хушнудии онҳо гашт.
Аҳолии деҳаи Гулбоғи шаҳри Конибодом аз иқдоми ронанда Абдурасул Носиров қаноатманду шод гашта, арзи минатдорӣ ва  изҳори умед намуданд, ки минбаъд аз ҷониби дигар ронандагон  чунин амалҳо дастгирӣ меёбанд.
Воқеан чунин амали хайр ҳарчанд кӯчак менамояд, хеле хайру савоб буда, шоистаи пайравист.