Мулоқот бо намояндаи Федератсияи байналмилалии теннис дар КМО Тоҷикистон
Душанбе, 06.06.2016 /АМИТ «Ховар»/. Дар Кумитаи миллии олимпии Тоҷикистон мулоқоти котиби генералии КМО ҶТ Баҳрулло Раҷабалиев бо корманди шуъбаи байналмилалии Федератсияи байналмилалии теннис (ITF) Амир Боргҳей баргузор шуд. Баҳрулло Раҷабалиев дар бораи дастовардҳои теннисбозони тоҷик иттилоъ дод. Ӯ гуфт, ки ба рушди намуди маъмули олимпӣ- теннис дар Тоҷикистон таваҷҷуҳи хосса зоҳир мешавад. Ҳамасола дар шаҳри Душанбе мусобиқаи теннисбозони наврас барои Ҷоми Президенти Тоҷикистон барпо мегардад. Мусобиқаи имсола моҳи сентябр доир хоҳад шуд.
Кумитаи миллии олимпии Тоҷикистон моҳи октябри соли равон давраи бозомӯзии техникии дараҷаи аввалро барои мураббиёни теннис ба нақша гирифтааст. Инчунин соли 2017 КМО ҶТ ва Федератсияи байналмилалии теннис ният доранд, ки марҳилаи муқаддамотӣ ва минтақавии қаҳрамонии ҷаҳон оид ба теннис барои Ҷоми Девисро дар Тоҷикистон баргузор намоянд, — иброз дошт Баҳрулло Раҷабалиев.
Зимни мулоқот Амир Боргҳей дар бастагӣ ба Ҷоми Президенти Тоҷикистон пешниҳод намуд, ки барои тайёрии хуби теннисбозони тоҷик ба ин мусобиқа, Федератсияи байналмилалии теннис (ITF) баргузории мусобиқаи наврасонро дар Душанбе ба нақша гирифтааст.
Баҳрулло Раҷабалиев гуфт, ки КМО ҶТ ин пешниҳодро бо хушнудӣ истиқбол ва дастгирӣ менамояд.
Дар охири мулоқот ба Амир Боргҳей туҳфаҳои хотиравии КМО ҶТ тақдим шуд.
Дар мулоқот президенти Федератсияи тенниси Ҷумҳурии Тоҷикистон Шоҳин Саидов, ноибони президенти ин федератсия Фарҳод Саидов, Раҳматулло Раҷабалиев, Анвар Раҳматов ва котиби генералии федератсия Мирҳусейн Яҳёев ширкат доштанд.
Кӯдакону наврасони ноҳияи Шаҳринав ба истироҳат фаро гирифта мешаванд
Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
