Озмуни «Нозирони навраси ҳаракат» барои пешгирии ҳодисаҳои нохуши нақлиётӣ

Душанбе, 1.06.16. /АМИТ «Ховар»/. Ҳамасола бо ташаббуси роҳбарияти Вазорати корҳои дохилӣ ва Раёсати БДА миёни мактаббачагони кишвар озмуни «Нозирони навраси ҳаракат» баргузор мегардад.
Имсол даври 6-уми озмуни мазкур дар минтақаи саёҳатии Варзоб аз 31 май то 3 июнисоли равон гузаронида мешавад.
Тавре ки сомонаи расии ВКД хабар медиҳад, 31 май панҷ даста дар ҳайати даҳнафарӣ аз минтақаҳои гуногуни кишвар барои иштирок дар озмуни «Нозирони навраси ҳаракат» ҷамъ омада, ба истироҳатгоҳи ноҳияи Варзоб рафтанд.
Ҳадаф аз баргузории чорабинӣ пешгирии ҳодисаҳои нохуши нақлиётӣ, паст намудани сатҳи садаманокӣ, фаҳмонидани қоидаҳои ҳаракат дар роҳ ба наврасон ва омӯзонидани аломатҳои роҳ ба онҳо мебошад, то ки онҳо дар миёни ҳамсолони хеш қоидаҳои ҳаракати роҳро фаҳмонида тавонанд.
Дар айни замон озмун идома дорад.