Семинари омӯзишӣ дар мавзӯи «Иттилоот дар бораи Кишвари асл»
Душанбе, 16.06.2016 /АМИТ «Ховар»/. Рӯзҳои 5 ва 12 июни соли равон дар маҷмааи «Душанбе-Плаза» дар мавзӯи «Иттилоот дар бораи Кишвари асл (ИКА)» аз ҷониби Намояндагии Шӯрои даниягӣ оид ба гурезагон дар Тоҷикистон курси омӯзишӣ гузаронида шуд.
Тавре аз Вазорати корҳои дохилии ҶТ хабар доданд, дар курси омӯзишӣ 120 нафар курсантони курсҳои 3 ва 4 факултети № 2 Академияи Вазорати корҳои дохилӣ иштирок намуданд.
Мақсади асосии чорабинӣ баланд бардоштани огоҳӣ оид ба стандартҳои байналмилалӣ ва миллӣ марбут ба ҳифзи ҳуқуқҳои гурезагон ва паноҳҷӯяндагон, тақвият бахшидани тавоноӣ ва дар амал татбиқ намудани донишу малакаҳои бадастомада буд.
Тренер-устоди ботаҷриба, номзади илмҳои ҳуқуқ Фаррух Хайруллоев ба иштирокдорони семинар оид ба аҳамияти кишвари асл ҳамчун омили ҳимояи ҳуқуқҳои гурезагон маърӯза намуд.
Дар семинар курсантон мафҳумҳои «Гуреза» ва «Паноҳҷӯянда», мақоми онҳо дар ҳуқуқи байналмилалӣ ва миллӣ, ҳамчунин ҷараёни мурофиаи судӣ барои муроҷиат ва баррасии дархост дар бораи гуреза донистани шахсони паноҳҷӯянда, фароҳам овардани паноҳгоҳ ва асосҳои рад намудани онро баррасӣ намуданд.
Аз натиҷаи семинари мазкур ба иштирокдорон аз ҷониби Намояндаи Шӯрои даниягӣ оид ба гурезаҳо дар Тоҷикистон сертификатҳо супорида шуданд.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
