Шиносоии Сарвазири мамлакат бо ҷараёни корҳои бунёди роҳи оҳани Душанбе-Хатлон ва сохтмони корхонаҳои саноатӣ дар Ёвон

Июнь 16, 2016 16:41

Душанбе, 16.06.2016. /АМИТ «Ховар»/. Имрӯз Сарвазири мамлакат Қоҳир Расулзода бо ҷараёни корҳои бунёди роҳи оҳани Душанбе-Хатлон ва  сохтмони корхонаҳои саноатӣ  дар ноҳияи Ёвон шинос шуд.
Сарвазири мамлакат ва ҳайати ҳамроҳонаш бо ҷараёни бунёди иншооти роҳи оҳан аз истгоҳи шаҳри Ваҳдат то истгоҳи Ёвон шинос шуда, барои иҷрои босифат ва саривақтии корҳои бунёди роҳ масъулини соҳаҳои дахлдорро вазифадор намуд.
Тавре маълум гардид, дар сохтмони роҳи оҳани Душанбе-Хатлон  дар айни замон 329 нафар машғули корҳои васлу насби қисмҳои асосии роҳ ва бунёди нақбу кӯпрукҳо буда, бо ин мақсад ҳамчунин зиёда аз 150  адад техникаю таҷҳизоти роҳсозӣ сафарбар карда шудаанд. Ҷамъи масофаи роҳи бунёдшуда то имрӯз зиёда аз 32 км-ро ташкил медиҳад ва корҳои сохтмони нақбу пулҳои ин лоиҳа ба таври шабонарӯзӣ ба роҳ монда шудаанд.
Хотиррасон мекунем, ки дарозии роҳи оҳани Душанбе-Хатлон аз истгоҳи Ваҳдат то Ёвон 40,7 км буда  4,33 км-и онро нақбу пулҳо ташкил медиҳанд.
Дар идомаи сафар Сарвазири мамлакат Қоҳир Расулзода дар ноҳияи Ёвон бо ҷараёни сохтмони Корхонаи истеҳсоли сементи Ҷамъияти дорои масъулияти маҳдуди «Джунг-Тсай Моҳир Семент» шинос шуд. Ин корхона аз тарафи соҳибкори ватанӣ Баҳриддин Ҷурахонов  бо ҷалби сармояи хориҷӣ дар ҳаҷми  958 миллион сомонӣ ва бо иқтидори истеҳсолии 1 миллиону 200 ҳазор тонна семент дар як сол бунёд гардида, оянда дар он 850 нафар бо ҷоий кор таъмин мешаванд.
Дар заминаи корхонаи мазкур бунёду ба истифода додани коргоҳи истеҳсоли варақаҳои гаҷӣ бо иқтидори 1 миллион метри мураббаъ дар як сол ва коргоҳи истеҳсоли халтаҳои қоғазӣ бо 80 миллион дона дар як сол дар назар дошта шудааст.
Ҳамчунин Сарвазири мамлакат бо ҷараёни корҳои   бунёди  Корхонаи криолит, алюминийии фтордор ва кислотаи сулфат шинос шуд. Сохтмони ин корхона  моҳи майи соли 2008-ум шурӯъ гардида, арзиши умумии лоиҳаи бунёди он  126  миллион доллари амрикоиро ташкил медиҳад.
Дар корҳои сохтмонӣ ва васлу насби таҷҳизот 620  нафар бо ҷойи кор ва  маоши баланд таъмин буда, дар сурати бо иқтидори пурра ба кор шурӯъ кардани корхона наздик ба 800 нафар сокинони мамлакат соҳиби ҷойи кори доимӣ бо   маоши баланд  мешаванд.

Июнь 16, 2016 16:41

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд