Таҷлили ҷашни Ваҳдати миллӣ дар Красноярск

Июнь 27, 2016 13:34

Душанбе, 27. 06.2016/АМИТ «Ховар»/. Чанде қабл  дар шаҳри  Красноярск бахшида ба Рӯзи Ваҳдати миллӣ маҳфили идона барпо гардид. Донишҷӯёни  тоҷики Донишгоҳи авиатсионии Красноярск, ки аз тариқи квотаи президентӣ ин ҷо таҳсил доранд, бо шеърхониву рақсҳои ҷолибашон диққати ҳамагонро ба худ ҷалб мекарданд. Солиёни зиёдест, ки аз ҷониби ин ҳамватанони бонанги тоҷик ҷашни Ваҳдати миллӣ дар сатҳи баланд доир гардида, дар он ҳамватанону меҳмонон аз тамоми қаламрави Сибир  ва берун аз он ширкат карда, бори дигар итминони комил пайдо мекунанд, ки мардуми тоҷик таърихи куҳану фарҳанги бой доранд, ки имрӯзҳо дигар миллату халқиятҳо маҳз зебоиву ғайриоддӣ будани ин фарҳангу ин таърихро дида, паи омӯзиши он мебошанд.
-Ба ҳар яки мо,- мегӯяд  раиси Ҷамъияти тоҷикони кишвари Красноярск бо номи «Пайванд» Ҳайдар Алимов,-пӯшида нест, ки ин рӯз дар таърихи мардуми тоҷик ҳамчун рӯзи    ғалабаи некӣ бар бадӣ ва шурӯи ободкориву созандагиҳо мебошад. Барои ба ин рӯзи мубораку таърихӣ расидан  Пешвои миллати тоҷик муҳтарам Эмомалӣ Раҳмон чӣ қадар талошу заҳматҳоро пушти сар карданд, ки ин ба ҳар як фарде, ки каме ҳам бошад, нанги тоҷиконаву ғурури тоҷиконаву эҳсоси тоҷикона дорад, аён аст. Имрӯз мо шукри соҳибистиқлоливу соҳибватаниамонро карда, ифтихор аз он дорем, ки мо дар куҷое бошем, бо сари баланд гуфта метавонем: «Мо тоҷикем ва  ҳар яки мо новобаста аз ҷоҳу ҷалоли хеш бояд дар сар як андеша дошта бошем».  Мо бояд сиёсати созандаву ободкоронаи Пешвои миллатро дастгирӣ кунем, нақши муҳимми худро дар ободиҳои ватан, тарғиби забону оинҳои миллиамон гузорем, чунки ягон миллату қавмиятро наметавон бе забону оинҳо ва осори таърихиаш миллати комил номид ва  мо бояд бо тамоми ҳастӣ ва ҳушёриву  зиракӣ амнияту сулҳу осоиштагии Тоҷикистонамонро ҳифз кунем.

Садбарг Боқиева, Красноярск, ФР

Июнь 27, 2016 13:34

Хабарҳои дигари ин бахш

КАНГУРТ — ДИЁРИ ПАҲЛАВОНОН. Ба шарафи Истиқлолият ин гӯшаи кӯҳистони Тоҷикистон ба шаҳраки зебою замонавӣ мубаддал гардидааст
ОБУ ҲАВО: Имрӯз дар Тоҷикистон чангу ғубор ба амал меояд
Кумитаи ҳифзи муҳити зист соҳиби бинои нав мегардад
ОБУ ҲАВО: Имрӯз дар ҷумҳурӣ ҳавои камабри бебориш пешгӯӣ мешавад
ТАҚВИМИ АМИТ «ХОВАР»: имрӯз 3 июл, якшанбе, 182-умин рӯзи соли 2022 аст
ОБУ ҲАВО: Имрӯз дар ҷумҳурӣ ҳавои тағйирёбандаи бебориш дар назар аст
ТАҚВИМИ АМИТ «ХОВАР»: имрӯз 2 июл, шанбе, 182-умин рӯзи соли 2022 аст
Ҳайати Узбекистон дар Кўлоб оромгоҳи Мир Саид Алии Ҳамадониро зиёрат намуд
ОБУ ҲАВО: Аз 1 то 3 июл дар Тоҷикистон ҳавои гарм боқӣ мемонад
ТАҚВИМИ АМИТ «ХОВАР»: имрӯз 1 июл, ҷумъа, 182-умин рӯзи соли 2022 аст
Ҳайати Тоҷикистон бо муовини Дабири кулли СММ оид ба масоили иқтисодӣ ва иҷтимоӣ вохӯрӣ намуд
ОБУ ҲАВО: Имрӯз дар шаҳри Душанбе ҳаво рӯзона 41+43 дараҷа гарм мешавад