Ваҳдат мароми модарон аст

Душанбе, 24.06.2016 /АМИТ «Ховар»/.    Бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон   бахшида ба ҷашни 19-умин солгарди Ваҳдати миллӣ бо иштироки  фаъолзанон, собиқадорони меҳнат ва шахсони баруманди ҷумҳурӣ дар   Кумитаи мазкур  маҷлиси тантанавӣ баргузор гардид.
Тавре  аз   Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд,  дар  чорабинӣ раиси Кумита   Қосимзода Идигул Тағо ҳозиринро барои ифтихор аз Ватану ватандорӣ,  таърихи ибратомӯзи миллат ва забони ноби модарӣ, ки дар муҳити ҳамин Ватан бештар такомул меёбад, даъват намуд.
Инчунин ӯ оид ба соҳибистиқлол будан дар байни кишварҳои олам, бо сари баланд зистан ва аз ватандории худ фараҳ бурдану таърихи ниёгонро поянда доштан даъват кард, ки то ҳадди имкон дар роҳи рушди Ватани хеш хидмат кардан аст.