Ярмаркаи байналмилалии тиҷорат «Суғд — 2016» 17-18-уми июн баргузор мегардад

Душанбе. 14.06.2016. /АМИТ «Ховар»/. 17 ва 18 июн дар маркази вилояти Суғд- шаҳри Хуҷанд Ярмаркаи байналмилалии тиҷорат «Суғд — 2016» баргузор мегардад.
Маросими ифтитоҳи расмии ярмаркаи байналмилалӣ 17 июн оғоз меёбад ва дар назар аст, ки тӯли рӯз байни доираҳои тиҷоратии кишварҳои иштирокчӣ гуфтушуниду мулоқот сурат гирифта, шартномаҳои ҳамкорӣ ба имзо расанд.
Дар доираи ярмарка дар Қасри варзиши шаҳри Хуҷанд Анҷумани доираҳои соҳибкорӣ ва сармоягузорӣ дар мавзӯи «Рушди соҳаи истеҳсоли маводи озуқа ва интиқоли технологияҳои муосир» баргузор мешавад.