Амалиёти «Кӯкнор 2016» идома дорад

Июль 4, 2016 12:11

Душанбе, 04.07.16. /АМИТ «Ховар»/. Дар доираи амалиёти «Кӯкнор-2016» кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд боз як ҳолати сабзиши бангдонаи худрӯйро ошкор намуданд.
Тавре ба АМИТ «Ховар»  аз маркази матбуоти агентии мазкур хабар доданд,  дар заминҳои бригадаи 32-юми ҷамъияти саҳҳомии ба номи С. Ӯрунхоҷаеви ҷамоати Унҷии ноҳияи Б. Ғафуров сабзиши 18 ҳазору 600 бех ниҳоли бангдонаи худрӯй ошкор ва решакан карда шуда, дар ҳузури комиссия аз ҳисоби намояндагони мақомти ҳифзу ҳуқуқ, мутахассисони соҳаи кишоварзӣ тариқи оташ задан нобуд карда шуд.
Дар баробари ин аз тарафи кормандони Раёсати Агентӣ ба аҳли коркунони ҷамъияти саҳҳомии ба номи С. Ӯрунхоҷаев доир ба ҳадаф ва зарурати баргузории амалиёти ҳарсолаи кӯкнор изҳори ақида карда шуда, таъкид гардид, ки имрӯзҳо дар қаламрави вилоят аз тарафи мақомоти марбута бо ҷалби тамоми аҳли ҷомеа амалиёти «Кӯкнор» ҷиҳати ошкор ва пешгирии ҷиноятҳои марбут ба муомилоти ғайриқонунии маводи нашъадор, бастани масири қочоқи мухаддирот дар марзи вилоят, дарёфт ва нобудсозии растаниҳои дорои маводи нашъаовари парваришшуда ва худрӯй, андешидани чораҳо бобати пешгирии зуҳуроти нашъамандӣ ба роҳ монда шудаанд.
Зикр карда шуд, ки дар давраи амалиёти «Кӯкнор-2016» аз тарафи кормандони Раёсати Агентӣ зиёда аз 68 ҳазор бех ниҳоли бангдонаи худрӯй дарёфт ва нобуд карда шудааст.
Амалиёти «Кӯкнор 2016» дар вилояти Суғд идома дорад.

Июль 4, 2016 12:11

Хабарҳои дигари ин бахш

Прокуратураи генералӣ дар ноҳияи Файзобод ҳолатҳои ғайриқонунӣ додан ва хариду фурӯши заминро ошкор намуд
Сел дар Панҷакент ба 48 гектар замин ва 22 манзили сокинон зарар расонд
СММ омори риққатангези марги кӯдаконро дар Афғонистон расонаӣ кард
Тоҷикистон ҳамкориро бо Кумитаи зиддитеррористии Шӯрои амнияти СММ муҳим арзёбӣ намуд
Дар қароргоҳи СММ «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» баррасӣ гардид
Прокурори генералии Тоҷикистон бо Роҳбари Намояндагии Иттиҳоди Аврупо дар СММ мулоқот кард
Тоҷикистон ва Дафтари зиддитеррористии СММ иқдомҳои муштарак оид ба мубориза бар зидди терроризмро баррасӣ намуданд
«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд
Давоми 20 рӯз дар Тоҷикистон маъракаи даъвати ҳарбӣ ба қадри 50 фоиз таъмин шуд
ДАР РАМАЗОН ИНФИҶОР ВА…ЧАШМОНИ АШКБОР. Бар асари ду таркиш дар Кобул беш аз 20 нафар мактаббачагон ҷон бохтанд
Дар Қазоқистон машқҳои Низоми муштараки мудофиаи зиддиҳавоии ИДМ баргузор шуданд
Саидиброҳимови дар ҷустуҷӯбуда бо худиқрорӣ ба мақомоти милитсия ҳозир гардид