Ба 84 нафар кўдакон амалиёти ҷарроҳии нуқсони модарзодии дил гузаронида шуд
Душанбе, 14.07.2016 /АМИТ «Ховар»/. Дар шўъбаҳои кўдаконаи Муассисаи давлатии «Маркази ҷумҳуриявии илмии ҷарроҳии дилу рагҳо» ва Маркази дилу шарёни вилояти Суғд дар шаш моҳи соли ҷорӣ 162 нафар кўдакони гирифтори бемории нуқсони модарзодии дил бистарӣ шуданд, қайд гардид дар нишасти матбуотии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Инчунин зикр гардид, ки дар ин марказҳо ба 58 нафар кўдак ташхиси ангиокардиография гузаронида шуда, табобати онҳо муайян карда шуд. Ба 84 нафар кўдакон амалиёти ҷарроҳии нуқсони модарзодии дил гузаронида шудааст.
Ҳамчунин дар Муассисаи давлатии «Маркази ҷумҳуриявии илмии ҷарроҳии дилу рагҳо», Маркази вилоятии ҷарроҳии дилу рагҳои шаҳри Хуҷанд, Маркази тиббии хусусии «Ибни Сино» ва Муассисаи давлатии «Маркази ҷумҳуриявии клиникии бемориҳои дил» дар маҷмўъ 473 амалиётҳои ҷарроҳӣ дар дилу рагҳо, 576 амалиёти ангиография ва 181 амалиёти стентгузорӣ, инчунин, дар муассисаҳои тиббии мамлакат ба 67 нафар беморон амалиётҳои ҷарроҳии иваз намудани буғум ба буғуми сунъӣ анҷом дода шуданд.
Дар Муассисаи давлатии «Маркази миллии илмии пайвандсозии узв ва бофтаҳои инсон» дар маҷмўъ ба зиёда аз 200 нафар беморон амалиётҳои пайвандсозии гурда ва ба 15 нафар беморон ҷарроҳии пайвандсозии ҷигар, дар давраи ҳисоботӣ бошад, ба 41 нафар беморон амалиётҳои ҷарроҳии пайвандсозии гурда ва ба 2 нафар ҷарроҳии пайвандсозии ҷигар гузаронида шудаанд. Бояд гуфт, ки гузаронидани чунин амалиётҳо дар муассисаҳои табобатии вилоятҳои Суғд ва Хатлон ба роҳ монда шуданд, зикр гардид дар нишаст.
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
