Дар ним сол 258 тонна гӯшти мурғи «Беҳамто» истеҳсол шуд

Душанбе, 20.07.2016. /АМИТ «Ховар»/. Тӯли ду сол мешавад, ки дар ноҳияи Ёвон фабрикаи паррандапарварии «Беҳамто» фаъолият намуда истодааст, хабар дод Маҳмадраҳимзода Фазлиддин аз шуъбаи иттилоотию таҳлилии дастгоҳи раиси  вилояти Хатлон.
Инчунин зикр намуд, ки иқтидори ғунҷоиши фабрика 250 ҳазор сар парранда буда, мақсади асосии фаъолияти он таъмини бозори дохилӣ бо тухму гӯшти маҳаллӣ мебошад.
Мутахассисони  корхона тавонистанд дар давоми фаъолияти корияшон саршумори паррандаро ба 111 ҳазор сар расонанд. Дар шашмоҳи соли ҷорӣ корхона 258 тонна гӯшти мурғ истеҳсол намуда, ба бозорҳои маҳаллӣ ва шаҳри Душанбе содирот намуданд, зикр кард манбаъ.