Генрих Мхитарян «Манчестер Юнайтед» -ро интихоб кард

Душанбе, 5.07.2016 /АМИТ «Ховар»/. Футболбози машҳури тими мунтахаби Арманистон ва клуби футболи «Боруссия»-и Олмон Генрих Мхитарян ба КФ «Манчестер Юнайтед» гузашт. Дар бораи маблағи шартнома чизе гуфта намешавад, аммо расонаҳо иттилоъ медиҳанд, ки «Боруссия»-и Дортмунд бозинаграшро ба маблағи 26 миллион фунт стерлинг фурӯхтааст.
Генрих Мхитарян аслан ба ҳайси футболбози шинохта аз Чемионати Украина зуҳур карда, дар дастаҳои «Металлург»ва «Шахтёр» ҳунарварӣ кардааст. «Замоне «Шахтёр» ӯро ба маблағи 7,5 миллион доллар харидорӣ кард ва Мхитарян аввалин футболбози армание гардид, ки муаллифи аввалин голаш дар Лигаи чемпионҳои Аврупо ва нишонзани беҳтарини Чемпионати Украина шудааст.