Ифтитоҳи ҳуҷраи корӣ барои аъзои Шӯрои ҷамъиятӣ дар вилояти Хатлон
Душанбе, 02.07.2016. /АМИТ «Ховар»/. Дирӯз, 1 июл дар шаҳри Қурғонтеппа маросими кушодашавии ҳуҷраи кории Шӯрои ҷамъиятӣ оид ба мусоидати ҷомеаи шаҳрвандӣ дар ислоҳоти милитсияи назди РВКД дар вилояти Хатлон баргузор гардид.
Тавре аз Вазорати корҳои дохилии кишвар хабар доданд, Ҳамоҳангсози миллӣ оид ба ислоҳоти милитсия, полковники милитсия Алӣ Бобоназарзода зикр кард, ки имрӯзҳо бо дастуру супориш ва дастгирии пайвастаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон марҳилаи дуюми ислоҳоти милитсия идома ёфта истодааст. Ба роҳ мондани ҳамкориҳои судманд бо аҳолӣ бо мақсади тақвият бахшидани боварии мардум ба милитсия аз ҳадафҳои афзалиятноки ин барнома ба ҳисоб меравад. Бо дастгирии ташкилотҳои байналмилалӣ, аз ҷумла Созмони амният ва ҳамкорӣ дар Аврупо дар қаламрави кишвар аллакай шӯроҳои ҷамъиятӣ созмон дода шуда, ҳуҷраҳои кории онҳо бунёд ва бо техникаи замонавӣ таҷҳизонида шудаанд.
Сардори РВКД дар вилояти Хатлон полковники милитсия Баҳром Шарифзода иброз дошт, ки дар замони муосир мебояд милитсияи тоҷик бо аҳолӣ ҳамкориҳояшро густариш дода, сазовори боварии мардум гардад. Таъсис додани чунин шӯроҳои ҷамъиятӣ аз манфиат холӣ набуда, барои тинҷиву оромӣ ва амнияти шаҳрвандон равона шудаанд.
Дар чорабинӣ ҳамчунин сардори намояндагии Дафтари САҲА дар вилояти Хатлон Ене Иван Андреевич ва иҷрокунандаи вазифаи сардори Департаменти ҳарбӣ-сиёсии Дафтари САҲА дар Тоҷикистон Вячеслав Абрамед сухан гуфтанд.
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
