«Интихоб» — намоишномаи нави Театри мусиқӣ-мазҳакавии шаҳри Хоруғ
Хоруғ, 14.07.2016. /АМИТ «Ховар»/. Ҳунармандони Театри мусиқӣ-мазҳакавии ба номи Меҳрубон Назаров дар таътили тобистона барои тамошобинони хурдсоли худ намоишномаи нав мавсум ба «Интихоб»-ро дар таҳияи коргардон Парпишо Қиматшоев пешкаш кард.
Ин намоишнома дар бораи ҳаёти ду оила ҳикоят мекунад, ки дар яке аз ин оилаҳо зиндагии орому осуда, ҳурмату эҳтироми тарафайн ҳукмрон ҳасту хонаводаи дигар бо мушкилоти гуногун ба шумули эътибор надодан ба сухану амали ҳамдигар, беэҳтиромии фарзандон нисбат ба волидон ва аҳамият надодани волидон ба интихоби дурусти касбу кор мувоҷеъ мебошад.
Ба гуфтаи ҳунарманди ин театр Ҷобиршо Хубоншоев дар замони муосир бо истифода аз шабакаи интернетӣ кишварҳои мухталиф кӯшиш мекунанд, ки фарҳангу суннати худро бар сари сокинони кишварҳои дуру наздик бахусус наврасону ҷавонон таҳмил созанд. Дар баробари ин, мо бояд ба таҳоҷуми фарҳангию итилоотии кишварҳои беруна ҳамеша омода бошем ва барои ҷо кардани арзишҳои миллӣ дар зеҳни кӯдакону наврасон аз шеваҳои мухталиф ва ҷолиб истифода барем.
Дар поёни намоишнома байни ҳунармандон ва тамошобинони хурдсол перомуни муносибати байни аъзои оила, муносибат бо ҳамсояҳо ва хешу табор мубодилаи афкор сурат гирифт.
Ҷобиршо Хубоншоев гуфт, ки дар рӯзҳои наздик бо ин намоишнома ба меҳмонии кӯдакону наврасони навоҳии вилоят хоҳанд рафт.
Имрӯз дар шаҳри Душанбе ҳаво то 20 дараҷа гарм мешавад
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
