Раҳим Санъат Асо : «Дар ҷумҳурӣ норасоии мутахассисони лифт ба назар мерасад ва сари ин масъала бояд ҷиддӣ фикр кард»
Душанбе, 15.07.16. /АМИТ «Ховар»/. Айни ҳол, дар биноҳои маъмурии истиқоматии шаҳри Душанбе 1137 лифт насб карда шудааст, ки ҳамаи онҳоро Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати ҶТ назорат мекунад.
Раҳим Санъат Асо, сардори хадамоти мазкур дар нишасти хабарие, ки имрӯз дар Душанбе доир гардид, оид ба норасоии кадр ва мутахассисон дар самти лифттаъмиркунӣ изҳори нигаронӣ намуд.
«Беш аз ҳазор адад лифте, ки ба қайд гирифта шудаанд, қисмати зиёдашон таъмирталаб ва корношоям шуда, муоина ё таҳқиқоти махсусро талаб дорад», — афзуд ӯ
Сардори хадамот зикр кард, ки ҳамагӣ дар ҷумҳурӣ 3 мутахассиси лифт фаъолият мекунанд, ки ҳамаи лифтҳоро зери назорат гирифта наметавонанд.
Бояд гуфт, ки дар ҷумҳурӣ ҳанӯз норасоии устоҳои таъмиркунанадаи лифт ба назар мерасад, зеро шунидаем, ки боре барои таъмири лифтҳои замонавӣ мутахассисонро аз хориҷ даъват намуда буданд.
Дар нишасти хабарӣ пешниҳод гардид, ки сари масъала бояд ҷиддӣ фикр кард ва барои тайёр намудани мутахассисони варзида чораҳои зарурӣ андешид.
Айни ҳол, мутахассисони лифт дар Донишгоҳи техникии Тоҷикистон ба номи М. Осимӣ тайёр карда мешаванд.
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мегардад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
Имрӯз дар баъзе ноҳияҳои Тоҷикистон туман мефарояд
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
Дар шаҳри Турсунзода иди Сада бо риояи суннатҳои аҷдодӣ таҷлил гардид
