Се нафар барои тамаъҷӯӣ дастгир шуданд

Душанбе, 25.07.2016. /АМИТ «Ховар»/. Аз ҷониби кормандони милитсия марди 32-солаи сокини ноҳияи Рӯдакӣ ва сокинони 31 ва 33 — солаи ноҳияи Ёвон бо гумони даст доштан дар ҷинояти тамаъҷӯӣ дастгир карда шуданд.
Номбурдагон 22 июли соли равон дар ҳудуди маҳаллаи Политехникум, воқеъ дар шаҳри Душанбе бо роҳи тамаъҷӯӣ, аз марди 31-солаи сокини ноҳияи Рӯдакӣ 350 ҳазор рубли Федератсияи Русияро талаб кардаанд.
Тавре аз Вазорати корҳои дохилии кишвар хабар доданд, аз рӯи ин ҳодиса парвандаи ҷиноятӣ оғоз гардида, тафтишот идома дорад.