Юсуф Акрамзода, роҳбари КВДҶ «Тоҷикагролизинг» «Хоҷагиҳои деҳқонӣ ба техника ва таҷҳизоти кишоварзӣ эҳтиёҷ доранд»
Душанбе, 27.07.2016. /АМИТ «Ховар»/. «Дар айни ҳол дар ҷумҳурӣ зиёда аз 100 ҳазор хоҷагиҳои деҳқонӣ (фермерӣ) мавҷуданд, ки онҳо ба техника ва таҷҳизоти кишоварзӣ эҳтиёҷ доранд. Талабот ба техника ва таҷҳизоти кишоварзӣ дар ҷумҳурӣ 4,6 млрд. сомонӣ (731 млн. доллари ИМА)-ро ташкил медиҳад. Тибқи меъёрҳои муайянгардида, дар ҷумҳурӣ 18331 адад тракторҳои универсалӣ ва шудгоркунанда, инчунин 1773 адад комбайнҳои ғалладарав намерасанд»,- зикр намуд Юсуф Акрамзода, роҳбари Корхонаи воҳиди давлатии ҷумҳуриявии «Тоҷикагролизинг» имрӯз дар нишасти матбуотӣ.
Тибқи иттилои роҳбарияти ин ниҳод, корхона дар давраи фаъолияти худ бо таҳвилкунандагон барои ворид намудани техника ва таҷҳизоти кишоварзӣ зиёда аз 200 шартнома ба имзо расонида,
аз давраи таъсис то имрӯз 1169 адад техника ба маблағи 132, 6 млн. сомонӣ, 1713 адад таҷҳизот ба маблағи 22,4 млн. сомонӣ дар маҷмӯъ ба маблағи 155 млн. сомонӣ техника ва таҷҳизот ворид намудааст.
Тавре, ки дар маълумотномаи корхона омадааст, Корхонаи воҳиди давлатии ҷумҳуриявии «Тоҷикагролизинг» дар тамоми шаҳру ноҳияҳои ҷумҳурӣ 48 маркази хизматрасонии техникӣ, аз ҷумла дар вилояти Хатлон 19, дар вилояти Суғд 11, Вилояти Мухтори Кӯҳистони Бадахшон 8 ва ноҳияҳои тобеи ҷумҳурӣ 10 марказ таъсис додааст, ки ба хоҷагиҳои деҳқониву фермерӣ ва секторҳои хусусӣ кумакҳои техникӣ мерасонанд.
«Дар марказҳои хизматрасонӣ тамоми навъҳои техника ва таҷҳизоти кишоварзӣ ба маблағи 26,9 млн сомонӣ (4.7 млн. доллари амрикоӣ) мавҷуданд, ки онҳо то имрӯз ба маблағи 7 млн. сомонӣ тамоми хизматрасониҳоро аз шудгори замин то ҳосилғундорӣ анҷом додаанд»,- илова намуд Юсуф Акрамзода.
КВДҶ «Тоҷикагролизинг» бо зиёда аз 1030 хоҷагиҳои деҳқонӣ (фермерӣ) оид ба гузаронидани амалиёти иҷораи молиявӣ (лизингӣ) бо мақсади таъмин намудани секторҳои хусусӣ новобаста аз шакли моликияташон ва истеҳсолкунандагони маҳсулоти кишоварзӣ бо захираҳои зарурии техникӣ корҳои назаррас анҷом дода, шартномаҳои лизингӣ ба имзо расонидааст.
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
