Созандагию бунёдкорӣ дар Тоҷикобод

Тоҷикобод, 08.08.2016. /АМИТ «Ховар»/. Ба истиқболи 25-умин солгарди Истиқлолияти давлатии Ҷумҳурии Тоҷикистон дар ноҳияи Тоҷикобод 10 иншооти маъмурию истеҳсолӣ ва фарҳангию фароғатӣ бунёду навсозӣ мегардад.
Тибқи иттилои масъулини Мақомоти иҷроияи ҳокимияти давлатии ноҳия дар 10 иншоот ба маблағи 2 млн. 330 ҳазор сомонӣ корҳои сохтмонӣ иҷро шуда истодааст, ки нисбат ба ҳамин давраи соли гузашта 869 ҳазор сомонӣ зиёд мебошад.
Ба истифода додани якчанд бинои замонавӣ ва сохтмони меҳмонхона барои 50 ҷой аз ҷониби Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон дар арафаи ҷашни 25 -солагии Истиқлолияти давлатӣ аз як тараф ба ҳусни маркази ноҳия симои тоза бахшад, аз тарафи дигар ҷойҳои нави корӣ ба вуҷуд оварда, шаҳрвандони бешуғл ба кор фаро гирифта мешаванд.