Дар Восеъ соҳибкорон ба сохтмони иншооти таълимӣ ҷалб мешаванд

Восеъ, 1.09.2016. /АМИТ «Ховар»/. Ба иттилои Сироҷиддин Гурезов, мудири шуъбаи маорифи ноҳияи Восеъ бо ҳидояти раиси ноҳия Мусо Ғафурзода бо ҷалби соҳибкори маҳаллӣ Назар Қосимов корҳои сохтмонии 10 синфхона, 1 толори варзишӣ дар деҳаи Заркорони ҷамоати деҳоти ба номи Мирзоалӣ Вайсов, бо ташаббуси М. Ҷумъаев, директори муассисаи таҳсилоти миёнаи умумии №53 бинои иловагии дорои 5 синфхона, бо ташаббуси С.Акрамов, сархатиби ноҳия 8 синфхона дар деҳаи Гулафшони ҷамоати Гулистон оғоз гардидаанд.
Бо ташаббуси соҳибкори маҳаллӣ Ҳ. Файзов дар назди муассисаи таҳсилоти миёнаи умумии №15-и ҷамоати деҳоти ба номи Миралӣ Маҳмадалиев дар арафаи соли хониш соли 2016 толори варзишӣ ба истифода дода мешавад.
Дар арафаи 25-солагии Истиқлолияти давлатии Ҷумҳурии Тоҷикистон биноҳои иловагии муассисаҳои таҳсилоти миёнаи умумии №15, 29, муассисаи таҳсилоти миёнаи умумии №51 дар соли нави таҳсили 2016-2017 ба истифода дода мешаванд.
Сохтмони бинои муассисаи таҳсилоти миёнаи умумии №61, биноҳои иловагии муассисаҳои таҳсилоти миёнаи умумии №6, 20, 58 ва синфхонаҳои иловагии муассисаи таҳсилоти миёнаи умумии №64 идома дорад.