Изҳороти сухангӯи Иттиҳоди Аврупо бахшида ба 25-солагии Рӯзи Истиқлолияти Ҷумҳурии Тоҷикистон

Душанбе, 14.09.2016. /АМИТ «Ховар»/. Иттиҳоди Аврупо Ҷумҳурии Тоҷикистонро ба муносибати 25- солагии эъломияи истиқлолияти давлатияш табрик мекунад.
Иттиҳоди Аврупо раванди ислоҳотро дар Тоҷикистон фаъолона дастгирӣ намуда, барои ривоҷи муносибатҳои дарозмуҳлат баҳри рушди босуботу амнияти кишвар дар асоси «Созишномаи шарикӣ ва ҳамкорӣ» ва ҳамчунин «Стратегияи Иттиҳоди Аврупо нисбат ба Осиёи Марказӣ» ҳозир аст.
Таҳкими равобити сиёсӣ ва иқтисодӣ байни Иттиҳоди Аврупо ва давлатҳои Осиёи Марказӣ мавзӯи асосии вохӯрии дарпешистодаи вазирони корҳои хориҷии Иттиҳоди Аврупо ва Осиёи Марказӣ хоҳад шуд. Ин вохӯрӣ, ки 4 октябр дар шаҳри Брюссел таҳти раёсати Намояндаи Олӣ ва ноиб-президенти Комиссияи Аврупо хонум Федерика Могеринӣ дар арафаи конфронси Брюссел бахшида ба масоили Афғонистон баргузор мегардад, бори дигар аз муносибатҳои зич бо шарикони мо дар Осиёи Марказӣ гувоҳӣ медиҳад.