Мусобиқоти Лигаи касбии футзали Тоҷикистон идома дорад

Душанбе, 2.09.2016 / АМИТ «Ховар» /. Мусобиқоти қаҳрамонии Лигаи футзали Тоҷикистон бо баргузории даври 10-уми рақобатҳо шоми дирӯз идома ёфт. Чемпиони феълии мамлакат «Диси Инвест» баъди ғалабаи навбатиаш бар «Соро компания» бо натиҷаи 7:3 мавқеашро дар садри ҷадвал бо касби 28 имтиёз устувор кард.
Дастаи «Газпром» дар шаҳри Турсунзода дар баробари тими «Самандар» ба майдон омада, бо 11 голи задаш аз дарвозааш 7 тӯб гирифта, ба зинаи дуввум баромад ва 22 хол дорад. Дастаи «Карон» ҳам дар ин рӯз ба комёбӣ соҳиб шуд ва дастаи «Сино»-ро бо нишондоди 7:5 мағлуб кард.
Бозиҳои даври навбатӣ рӯзи шанбе баргузор хоҳанд шуд. Дар он «Сино» бо «Сипар», «Карон» бо «Диси Инвест», «Газпром» бо «Хуҷанд» ва «Самандар» бо « Соро компания» вориди сабқат мешаванд.