Тоҷикистон хостори густариши муносибатҳо бо Миср аст
Душанбе, 15.09.2016. /АМИТ «Ховар»/. Ба муносибати ҷашни 25-умин солгарди Рӯзи Истиқлоли Ҷумҳурии Тоҷикистон 11 сентябри соли равон дар рӯзномаи мисрии «ал-Ҷумҳурия» мақолаи фишурдаи муовини сармуҳаррири нашрияи мазкур Ас-Сайид Ҳонӣ зери унвони «Хусрав Нозирӣ: Тоҷикистон хостори густариши муносибатҳо бо Миср аст» чоп гардид, ки матни тарҷумаи он дар зер омадааст:
«Сафири Тоҷикистон дар Қоҳира Хусрав Нозирӣ таъкид намуд, ки дар марҳилаи оянда муносибатҳои дуҷониба байни Миср ва Тоҷикистон дар арсаҳои сиёсӣ, иқтисодӣ, фарҳангӣ ва ғайра шоҳиди ҷаҳиши калон хоҳанд шуд.
Ӯ гуфт, ки кишвараш ба кӯшишу талошҳои Миср ҷиҳати аз сар гирифтани раванди сулҳ дар Ховари Миёна ва нақше, ки Миср ҳангоми узвият дар Шӯрои Амнияти СММ дар ҳалли низоъҳои байналмилалӣ мебозад, арҷ мегузорад.
Дар суханронии худ ба муносибати 25-умин солгарди Истиқлоли Тоҷикистон вай афзуд, ки Тоҷикистон муносибатҳои худ бо Мисрро гиромӣ медорад ва ба Миср дар аҳди нави он пешрафт орзу карда, аз иқдомоти он ба манзури такмили нақшаи роҳе, ки Мисрро ба масири дурусташ баргардонд, то ҷойгоҳи арзандаи худро дар маҳфилҳои байналмилалӣ ишғол кунад, истиқбол менамояд.
Ӯ рағбати кишварашро ба густариши муносибатҳои дуҷониба бо Миср ва расидани ин муносибатҳо то ба сатҳи орзуи мардумони тоҷику мисрӣ таъкид намуд».
Рӯзномаи «ал-Ҷумҳурия» яке аз калонтарин нашрияҳои чопии Миср буда, онро раисҷумҳури собиқи кишвар Ҷамол Абдунносир 7 декабри 1953 таъсис додааст.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
