Ҳайати будои Ҷопон ба Тоҷикистон меояд
Душанбе, 18.10.2016 /АМИТ «Ховар»/. 22 октябри соли равон ҳайати будои Ҷопон ба Тоҷикистон омада, дар толори гӯштини «Зӯрхона» намудҳои ҳарбзании ҷопонӣ: дзюдо ва кэндоро намоиш медиҳанд. Ҳамчунин 23 октябр дар ҳамкорӣ бо Федератсияи дзюдои Ҷумҳурии Тоҷикистон машқҳои омўзишии ҳарбзании ҷопонӣ баргузор мегардад.
Ба ҳайати коршиносони будо 8 нафар аз Муассисаи дзюдои Кодокан ва Федератсияи кэндои кулли Ҷопон шомил буда, мақсади асосии сафари ҳайат ба Тоҷикистон таҳким бахшидани муносиботи дӯстона байни Ҷумҳурии Тоҷикистону Ҷопон ва мусоидат намудан ба якдигарфаҳмӣ миёни ду кишвар тавассути намоиши будо — намуди ҳарбзании ҷопонӣ мебошад.
Муассисаи дзюдои Кодокан сарчашмаи пайдоиш ва паҳн гаштани дзюдо дар 200 кишвари дунё буда, аз ҷониби Кано Ҷигоро Шиҳан соли 1882 таъсис ёфтааст. Мақсади асосии муассисаи мазкур таълиму таҳсил, омӯзиш, рушд ва паҳн кардани дзюдои Кодокан ва ҳамчунин ҳиссагузорӣ дар қавӣ гардонидани ҷисму рӯҳи варзишгарони дзюдо, хоса варзишгарони наврас мебошад.
Федератсияи кэндои кулли Ҷопон (AJKF) соли 1954 таъсис ёфта, ба пешрафти кэндо мусоидат мекунад ва дар асл намояндаи кэндо байни ҳаваскорон мебошад.
Имрӯз дар Тоҷикистон фаромадани туман ва сар задани тарма пешгӯӣ мешавад
Имрӯз дар Тоҷикистон бориши барфу борон пешгӯӣ мешавад
Дар Душанбе доир ба Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олӣ ҳамоиш баргузор шуд
Имрӯз дар баъзе ноҳияҳои Тоҷикистон бориши борону барф дар назар аст
«ОЛИҲАИ МЕҲР». Маҷмуа ба мақоми занони фаъоли тоҷик дар рушди ҷомеа бахшида шудааст
«Анор» сокинони Душанберо хушҳол намуд
Дар вилояти Суғд бо собиқадорони меҳнат вохӯрӣ баргузор шуд
ДАРАХТ БИШНОН! Дар шоҳроҳи Душанбе — Варзоб беш аз 500 бех ниҳоли санавбар шинонида шуд
Имрӯз дар ноҳияҳои кӯҳии Тоҷикистон барф меборад
Дар академияи зимистонаи «Ҳаво» масъалаҳои мутобиқшавӣ ба тағйирёбии иқлим баррасӣ шуданд
Дар шаҳри Ҳисор ба маъюбон аробачаи маъюбӣ дастрас карда шуд
Дар Душанбе дастовардҳои рушди соҳибкорӣ ва сармоягузорӣ баррасӣ гардиданд
