Аз ҳавас то фоҷиа як қадам аст

Октябрь 25, 2016 12:09

Душанбе, 25.10.2016 /АМИТ «Ховар»/.  Дар  Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон вохӯрии кормандони Агентии назорати маводи нашъаовари назди Президенти Ҷумҳурии Тоҷикистон бо ҳайати кормандон ва донишҷӯёни донишкада доир гардид. Муовини  ректори донишкада Баҳриддин Ҷабборов  дар мавриди даст задани баъзе аз ҷавонону наврасон ба маводи нашъадор  гуфт, ки  истеъмоли маводи мухаддир оқибатҳои ниҳоят фоҷиабор дорад.
Сардори  Шуъбаи Агентии назорати маводи нашъаовари назди Президенти Ҷумҳурии Тоҷикистон Алишер Ташрифӣ баён дошт, ки  «даст задан ба қочоқи маводи мухаддир ва истеъмоли он мушкилоти ҷаҳонӣ буда, дар ин миён кишвари мо дар канор нест. Пойгоҳи асосии истеҳсоли маводи мухаддир кишвари ҳамсоя-Афғонистон буда, Тоҷикистон бо ин кишвар сарҳади тӯлонӣ дорад. Вобаста ба ин, паҳншавии ин мавод дар Тоҷикистон ҷой дорад. Ҷавонону наврасон  оқибатҳои нашъамандиро надониста, онро истемол мекунанд.  Ҳолатҳои рӯҳафтодагӣ ва тарбия дар оилаҳои носолим боз як сабаби дигари гирифтор шудан ба ин вабо мебошад»,-илова намуд Алишер Ташрифӣ.
Озодамоҳ Абдуллоева, мутахассиси агентӣ ёдовар шуд, ки имрӯз дар ҷумҳурӣ 7 194 нафар нашъаманд расман ба қайд гирифта шудаанд, ки 184 нафараш занон мебошанд. «Бисёре аз ҷавонон аз рӯи ҳавою ҳавас ба ин кори номатлуб-нашъамандӣ даст зада, дарк намекунанд, ки аз ҳавас то фоҷиа як қадам аст. Бо вуҷуди он, ки шумораи нашъамандон сол ба сол дар ҷумҳурӣ кам мешавад, мо дар ин маврид ором буда наметавонем, зеро ин хатар дар ҳама ҳолат бо сабаби афзоиши шумораи қочоқчиён ва ҳамсарҳад будани Тоҷикистон бо Афғонистон метавонад алангаи дубора гирад«,-зикр намуд О. Абдуллоева.
Аз донишҷӯён даъват ба амал оварда шуд, то барои пешгирӣ аз ҷиноятҳои марбут ба нашъамандӣ ва нашъаҷаллобӣ дар баробари кормандони мақомоти ҳифзи ҳуқуқ ва қудратӣ дар сафи пеш қарор дошта бошанд.

Октябрь 25, 2016 12:09

Хабарҳои дигари ин бахш

Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
Имрӯз дар баъзе аз минтақаҳои Тоҷикистон хавфи омадани сел боқӣ мемонад
ҲАР КАС БА ЗАБОНИ ХУД СУХАНДОН ГАРДАД. Китобҳо дар нигоҳ доштани забон нақши аввалияро мебозанд
Дар кӯчаҳои Хоруғ 150 қуттии муосир барои партовҷамъкунӣ гузошта шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе минтақаҳои Тоҷикистон хавфи омадани сел боқӣ мемонад
Дар Душанбе ҷаласаи муштараки Платформаи миллии коҳиши хатари офатҳои табиӣ баргузор шуд
Дар Суғд саҳми шуроҳои ҷамъиятиро дар амалишавии ислоҳоти милитсия баррасӣ намуданд
Имрӯз дар Тоҷикистон ҳаво то 38 дараҷа гарм мешавад
СОЛИ МАЪРИФАТИ ҲУҚУҚӢ. Роҳбарияти Раёсати Вазорати корҳои дохилӣ дар вилояти Хатлон бо фаъолзанони шаҳри Кӯлоб вохӯрӣ намуд
23 июл Анҷумани ғайринавбатии Ҳизби сотсиалистии Тоҷикистон доир мешавад
20 июл Анҷумани ғайринавбатии Ҳизби ислоҳоти иқтисодии Тоҷикистон баргузор мегардад