Дар Хатлон ҳамоиши «Ҷалолиддини Балхӣ-нобиғаи адабиёти тоҷик» баргузор гардид
Душанбе, 01.10.2016. /АМИТ «Ховар»/. Дар Осорхонаи таъриху кишваршиносии вилоятӣ ба номи «Авасто» бахшида ба рӯзи Мавлоно Ҷалолиддини Балхӣ зери унвони «Ҷалолиддини Балхӣ-нобиғаи адабиёти тоҷик» ҳамоиш баргузор гардид.
Адибон ва шоирони вилояти Хатлон, адабиётшиносон, донишҷӯёну омӯзгорони факултаи филологияи Донишгоҳи давлатии Қӯрғонтеппа ба номи Носири Хусрав ва хонандагони муассисаҳои таҳсилоти умумии шаҳр иштирокдорони фаъоли ҳамоиш буданд.
Дар ҷамъомад аз ҳаёту фаъолият, панду ҳикматҳои Мавлоно Ҷалолиддини Балхӣ сухан рафта, зикр шуд, ки ин нобиғаи илму адаб инсонҳоро бузургтарин ва азизтарин офаридаи Худованди якто донистааст. Донишҷӯёну хонандагон дар бораи ҳаёт ва фаъолияти Мавлоно Ҷалолиддини Балхӣ маърӯза намуда, аз Маснавии Маънавӣ порчаҳои шеърӣ, ғазалиёт, панду андарз ва қиссаҳои пандомез қироат намуданд.
Бояд гуфт, ки аз соли 2009 инҷониб бо Фармони Президенти Ҷумҳурии Тоҷикистон муҳтарам Эмомалӣ Раҳмон ҳамасола 30 сентябр зодрӯзи ин мутафаккир ҷашн гирифта мешавад. Соли 2007 аз ҷониби ЮНЕСКО 800-солагии Мавлоно эълон гардид ва он на танҳо дар Ҷумҳурии Тоҷикистон, балки дар як зумра кишварҳои ҷаҳон дар сатҳи баланд ҷашн гирифта шуд.
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Дар Миср бахшида ба Рӯзи Парчами давлатии Ҷумҳурии Тоҷикистон ҳамоиш баргузор шуд
Дар Донишгоҳи давлатии Кӯлоб Рӯзи Парчами давлатиро ҷашн гирифтанд
Имрӯз дар шаҳри Душанбе чангу ғубор ба амал меояд
ШУКУҲИ ПАРЧАМИ ДАВЛАТӢ. Дар Донишгоҳи байналмилалии сайёҳӣ ва соҳибкории Тоҷикистон ҳамоиши идона доир шуд
Парчами давлатӣ симои Тоҷикистонро чун давлати соҳибистиқлолу соҳибтамаддун дар ҷаҳон муаррифӣ менамояд
