Имрӯз дар ҷумҳурӣ ҳавои тағйирёбанда дар назар аст

Душанбе, 12.10.16. /АМИТ «Ховар»/. Мутахассисони Агентии обуҳавошиносии Тоҷикистон имрӯз, 12 октябр дар ҷумҳурӣ ҳавои тағйирёбандаи беборишро пешгӯӣ менамоянд.
Тавре ба АМИТ «Ховар» аз агентии мазкур хабар доданд, дар минтақаи ҷануби Тоҷикистон ҳавои тағйирёбанда дар назар дошта шуда, ҳарорати ҳаво ба 28 дараҷа хоҳад расид.
Дар вилояти Суғд ҳавои тағйрёбандаи бебориш дар назар дошта шуда, ҳарорати ҳаво ба 28 дараҷа хоҳад расид.
Дар шарқи Вилояти Мухтори Кӯҳистони Бадахшон ҳаво рӯзона то 10 дараҷа гармӣ расида, ҳарорат дар ғарб 18-23 дараҷаро ташкил медиҳад.
Дар Душанбе ҳавои камабри бебориш дар назар буда, ҳаво 25- 27 дараҷа гарм мешавад.
Дар ноҳияҳои тобеи марказ — ҳавои тағйирёбанда, асосан бебориш пешбинӣ гардидааст. Ҳаво рӯзона то 28 дараҷа гарм мешавад.