«Коррупсия пеши роҳи рушди ҷомеаро мегирад»-суҳбати озод оид ба пешгирии амалҳои коррупсионӣ
Душанбе, 22.10.2016. /АМИТ «Ховар/. Дирӯз, 21 октябр дар қисми низомии 3502 Раёсати қӯшунҳои дохилии Вазорати корҳои дохилӣ вохӯрии роҳбарият ва ҳайати хизматчиёни қисми низомӣ бо намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон доир гардид.
Зимни вохӯрӣ нозир-котиби матбуотии Раёсати робитаҳои байналмилалӣ, кор бо ҷомеа ва воситаҳои ахбори оммаи Сарраёсати пешгирии коррупсионии Агентӣ Фаромӯз Раҳмонзода ва нозири калони ҳамин сарраёсат Акрамзода Ёсумани Абдуҳалим дар мавзӯъҳои мубориза бо коррупсия дар доираи «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020», пешгирии ҳаракатҳои коррупсионӣ миёни хизматчиёни ҳарбӣ, огоҳнамоии ҷавонон аз хатарҳои шомилшавӣ ба ҳар гуна ҳизбу ҳаракатҳои дорои хусусияти террористию ифротгароӣ суҳбати озод гузарониданд.
Зикр шуд, ки кормандони мақомоти ҳифзи ҳуқуқ ва сохторҳои низомии кишвар бояд нисбат ба дигарон бо ахлоқи ҳамида, рафтору кирдор ва ватандӯстиву ватанпарастӣ намунаи ибрат бошанд. Коррупсия пеши роҳи рушди ҷомеаро мегирад, танҳо дар якҷоягӣ метавон бо ин зуҳуроти номатлуб мубориза бурд.
Президенти Ҷумҳурии Тоҷикистон ва роҳбарияти сиёсии мамлакат ҳанӯз аз рӯзҳои аввали ба даст овардани Истиқлолияти давлатӣ дар қатори дигар масъалаҳои иқтисодӣ, иҷтимоӣ ва сиёсӣ ба масъалаи мубориза бо коррупсия диққати махсус медиҳанд.
Дар вохӯрӣ вобаста ба роҳҳои пешгирии амалҳои коррупсионӣ миёни афсарону хизматчиён ва маърӯзачиён мубодилаи афкор сурат гирифт.
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
Ваколатдор оид ба ҳуқуқи инсон вобаста ба ҳифзи ҳуқуқи соҳибкорон конфронси ҷумҳуриявӣ доир менамояд
