Навоварону ихтироъкорони наврас ва ҷавонони шаҳри Хуҷанд соҳиби ҷоиза ва диплом гардиданд

Душанбе, 18.10.2016. /АМИТ «Ховар»/. Дар шаҳри Душанбе бо ибтикори Вазорати рушди иқтисод ва савдои Ҷумҳурии Тоҷикистон, Маркази миллии патенту иттилоот ва Вазорати маориф ва илми Ҷумҳурии Тоҷикистон озмуни ҷумҳуриявии «Навоварону ихтироъкорони наврас ва ҷавонон» баргузор гардид.
Дар озмуни мазкур аз шаҳри Хуҷанд чаҳор нафар толибилмони лаёқатманд иштирок намуда, сазовори диплом гардиданд. Мутахассиси Маркази дарёфт ва рушди истеъдодҳои шуъбаи маорифи мақомоти иҷроияи ҳокимияти давлатии шаҳри Хуҷанд Абдурашид Очилов аз баргузории озмун ва натиҷаи назарраси толибилмони шаҳр изҳори қаноатмандӣ намуда, таъкид кард: «Мо ғолибонро самимона табрик мегӯем ва боварӣ дорем, ки онҳо дар озмунҳои минбаъда низ фаъолона иштирок карда, соҳиби мақомҳои ифтихорӣ мегарданд».
Дар ин бора аз мақомоти иҷроияи ҳокимияти давлатии шаҳри Хуҷанд ба АМИТ «Ховар» хабар доданд.