Суғд: беш аз 700 нафар дар шаҳраки навбунёди Сайҳун соҳиби замини наздиҳавлигӣ гардиданд

Октябрь 8, 2016 09:31

Хуҷанд, 08.10.2016. /АМИТ «Ховар»/. Дар мавзеъи шаҳраки навбунёди Сайҳун марҳилаи навбатии тақсимоти замини наздиҳавлигӣ барои сокинони вилояти Суғд доир гашт, ки дар он раиси вилояти Суғд Абдураҳмон Қодирӣ иштирок намуд. Он рӯз 739 нафар сокинони вилоят, аз ҷумла 250 нафар сокинони шаҳри Хуҷанд, 280 нафар сокинони ноҳияи Бобоҷон Ғафуров ва боқимонда аз шаҳру ноҳияҳои Гулистон, Бӯстон, Айнӣ, Панҷакент, Кӯҳистони Мастчоҳ соҳиби заминҳои наздиҳавлигӣ гаштанд.
Ба иттилои раиси вилояти Суғд Абдураҳмон Қодирӣ, маҳз бо дастуру супоришҳои Пешвои миллат муҳтарам Эмомалӣ Раҳмон ва бо шарофати соҳибистиқлолии кишварамон давоми солҳои охир зиёда аз 10 ҳазор гектар замини ин мавзеъ аз худ карда шуда, он имкон дод, то ки яке аз масъалаҳои муҳим — таъмини аҳолӣ бо манзили истиқоматӣ дар ҳудуди вилоят ҳалли худро пайдо намояд. То кунун дар шаҳраки навбунёди Сайҳун барои зиёда аз 6 ҳазор нафар қитъаи замин ҷудо гардидааст.
Хотиррасон бояд кард, ки моҳи марти соли 2015 зимни сафари кории Сарвари давлат ба вилояти Суғд, дар дашти Сомғори ноҳияи Бобоҷон Ғафуров ба сохтмони як шаҳраки замонавӣ бо номи Сайҳун асос гузошта шуд, ки аз 14 000 гектар замини он дар 3000 гектараш маҳаллаҳои истиқоматӣ бунёд гардида, зиёда аз 40 ҳазор оила ё худ беш аз 250 ҳазор аҳолӣ бо манзил таъмин хоханд гашт.

Октябрь 8, 2016 09:31

Хабарҳои дигари ин бахш

Пагоҳ Вазорати маориф ва илм, Маркази миллии қонунгузорӣ, Кумитаи рушди маҳал, Донишгоҳи славянии Русия ва Тоҷикистон ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор менамоянд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд