Ба муносибати 100-солагии Ғаффор Валаматзода конфронси байналмиллалии «Рақс ҳамчун падидаи муассир дар тамаддуни мардумони Осиёи Марказӣ: дирӯз ва имрӯз» доир гардид

Ноябрь 21, 2016 16:46

Душанбе, 21.11.2016 /АМИТ «Ховар»/. Имрӯз дар Академияи илмҳои Ҷумҳурии Тоҷикистон ба муносибати 100-солагии Ҳунарманди халқии СССР, дорандаи Ҷоизаи давлатии СССР ва Ҷоизаи давлатии ба номи Рӯдакӣ Ғаффор Валаматзода конфронси байналмилалии илмии «Рақс ҳамчун падидаи муассир дар тамаддуни мардумони Осиёи Марказӣ: дирӯз ва имрӯз» баргузор гардид.
«Ғаффор Валаматзода доир ба таърих ва санъати операи ҷаҳонӣ дониши хуб дошт ва дар ин замина ҳамеша донишу малакаи ҳунарии худро такмил дода, операҳои миллии тоҷик: «Шӯриши Восеъ», «Комде ва Мадан», «Домоди хонда», « Майсара» ва «Ғуломон»- ро рӯи саҳнаи тоҷик овард. Асарҳои рӯи саҳна овардаи ӯ дар таърихи театри мусиқии касбии тоҷик саҳифаи рангину фаромӯшношуданӣ мебошанд»,- гуфт Фарҳод Раҳимӣ, президенти Академияи илмҳои Ҷумҳурии Тоҷикистон.
Ба гуфтаи Фарҳод Раҳимӣ, Ғаффор Валаматзода барои санъати пешрафти кинои тоҷик корҳои ҳунариро анҷом дод. Барои дар сатҳи ҷаҳонӣ муаррифӣ намудани дастовардҳои санъати хореографии касбии тоҷик дар ҳамкорӣ бо устодони театру кино балети машҳури «Лайлӣ ва Маҷнун»-ро ба навор гирифт ва манзури дӯстдорони санъати тоҷик ва ҷаҳониён намуд.
«Таҷлили 100-солагии асосгузори санъати хореографии тоҷик Ғаффор Валаматзода ба ҷавонон имкон медиҳад, ки бо рушди санъати хореографӣ дар кишварамон ошноӣ пайдо кунанд. Ғаффор Валаматзода дар тӯли умри худ барои пешбурди санъати хореографии тоҷик корҳои зиёде карда, беш аз 80 асар таҳия намудааст»,- зикр намуд Шариф Комилзода, директори Пажӯҳишгоҳи илмӣ- тадқиқотии фарҳанг ва иттилооти Вазорати фарҳанги Ҷумҳурии Тоҷикистон.

gaffor-valamatzoda-2dsc_0350

 

Ноябрь 21, 2016 16:46

Хабарҳои дигари ин бахш

Дар Академияи идоракунии давлатӣ дар мавзуи «Пешвоёни сиёсӣ ва таъсири онҳо дар ҳифзи сулҳ» конференсия доир шуд
Имрӯз дар Тоҷикистон ҳаво камабри бебориш мешавад
Ширкати «Благо Труд» ба мутахассисон аз Тоҷикистон ниёз дорад
Мактабҳои Тоҷикистон соли 2025 дар низоми арзёбии байналмилалии PISA иштирок менамоянд
Дар Душанбе мубориза ба муқобили ҳашароти занбуруғӣ пурзӯр мегардад
Имрӯз дар Душанбе ҳаво 28 дараҷа гарм мешавад
Дар Файзобод оид ба пешгирӣ ва рафъи оқибатҳои ҳолатҳои фавқулода машқи зернизомӣ гузаронида шуд
РӮЗИ ДАРҲОИ КУШОД. Маркази кӯдакон ва наврасони шаҳри Душанбе хонандагонро ба машғулияти гуногун фаро мегирад
Шарҳи матбуоти даврӣ аз АМИТ «Ховар»
«Нобаробарии рақамӣ» дар гузашта мемонад
Имрӯз дар Тоҷикистон ҳавои тағйирёбанда дар назар аст
Соҳаҳои маорифу тандурустии шаҳри Турсунзода ба давраи тирамоҳу зимистони солҳои 2023-2024 пурра омода мебошанд