Дар Театри давлатии академии опера ва балет Фестивали байналмилалии «Рақс моро муттаҳид менамояд» ба муносибати 100-солагии зодрӯзи Ғаффор Валаматзода оғоз шуд

Ноябрь 22, 2016 10:04

Душанбе, 22.11.2016. /АМИТ «Ховар»/. Шоми дирӯз дар Театри давлатии академии опера ва балети ба номи Садриддин Айнӣ бо ташаббуси Ҳукумати Ҷумҳурии Тоҷикистон ва дастгирии созмони байналмилалии ЮНЕСКО бахшида ба 100-солагии зодрӯзи Ҳунарманди халқии СССР, дорандаи Ҷоизаи давлатии СССР ва Ҷоизаи давлатии ба номи Рӯдакӣ Ғаффор Валаматзода расми ифтитоҳи Фестивали байналмилалии «Рақс моро муттаҳид менамояд» доир гардид. Дар ин бора хабарнигори АМИТ «Ховар» хабар додааст.
Дар маросим ҳунармандон аз Федератсияи Русия, Ҷумҳурии мардумии Чин ва гурӯҳҳои рақсии Ҷумҳурии Тоҷикистон иштирок намуда, бо рақсҳои дилангези худ табъи иштирокдоронро болида намуданд.
«Имрӯз, 22 ноябр ду гурӯҳи ҳунарии меҳмонон, ки аз Федератсияи Русия ва Ҷумҳурии мардумии Чин дар ин фестивал иштирок доранд, дар театри нави шаҳри Қӯрғонтеппа барномаи консертӣ баргузор менамоянд»,- иброз дошт Нуралӣ Шоев, масъули барномаҳои фестивали мазкур.
Ба муносибати ин ҷашн имрӯз соати 17:00 дар Театри давлатии академии опера ва балети ба номи Садриддин Айнӣ Ансамбли давлатии «Лола»-и ба номи Ғаффор Валаматзода ҳунарнамоӣ мекунад.
Ёдовар мешавем, ки Фестивали байналмилалии «Рақс моро муттаҳид менамояд» се рӯз идома меёбад.

Ноябрь 22, 2016 10:04

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад