Леонел Месси ва футболбозони Аргентина ба журналистон бойкот эълон кардаанд

Ноябрь 17, 2016 11:06

Душанбе, 17.11.2016 /АМИТ «Ховар»/. «Капитани дастаи мунтахаби Аргентина Леонел Месси арз кардааст, ки аъзои дастаи мунтахаби Аргентина дигар мулоқоти худро бо рӯзноманигорон барпо нахоҳанд кард»-чунин овардааст аккаунти дастаи мунтахаби Аргентина дар Twitter.
Месси баъди ғалабаи дастаи мунтахаби Аргентина бар Колумбия (3:0) дар бозиҳои интихобии Ҷоми ҷаҳон-2018 шоми 16-уми ноябр ин баёнияро ба тасвиб расонидааст. Сабаби асосии норозигии Месси ва ёронаш он мебошад, ки хабарнигори «Radio Mitre» Габриэл Анелйо дар гузоришаш зикр кардааст, ки «ҳамлагари аргентинагиҳо Эсекиэл Лавесси пеш аз бозӣ бо дастаи мунтахаби Колумбия дар тамрингоҳи дастаи мунтахаб марихуана истеъмол кардааст». Аммо Лавесси ин хабарро бӯҳтон мешуморад.
Месси дар ҳузури бозингарони дастаи мунтахаб гуфтааст: «Рӯзҳои охир мо зери интиқоди шадид қарор дорем. Тӯҳмат ба унвони Лавесси хеле ҷиддӣ аст. Рӯзноманигорон бояд эҳтироми худро ба ҷо оранд. Моро баъди ҳунарнамоиамон дар дастаи мунтахаб танқид кардан мумкин аст, аммо ин навбат ба ҳаёти шахсии бозингар расидаанд, ки ин аз рӯи одоб нест. Агар ҳоло мо ба ин масъала хотима нагузорем, баъдан он идома хоҳад ёфт».
Ёдрас мешавем, ки дастаи мунтахаби Аргентина дар вохӯрии даври 12-уми бозиҳои интихобии Ҷоми ҷаҳон- 2018 дар қитъаи Амрикои ҷанубӣ дар майдонаш дастаи мунтахаби Колумбияро бо ҳисоби 3:0 шикаст дод. Леонел Месси як голро муаллифӣ кард ва ҳаммуалифи ду голи дигар гардид. Баъди ин ғалаба дастаи мунтахаби Аргентина бо 19 имтиёз ба зинаи 5-уми ҷадвали мусобиқот баромад. Ин ба ӯ имкон медиҳад, ки барои ба бозиҳои ниҳоии Ҷоми ҷаҳон баромадан муборизаро идома диҳад.

Ноябрь 17, 2016 11:06

Хабарҳои дигари ин бахш

ФУТБОЛ. Дастаи мунтахаби занонаи Тоҷикистон тими Арабистони Саудӣ бозии дӯстон мегузаронад
ФУТБОЛ. Гулмуроди Саъдулло бозии марҳилаи интихобии Ҷоми ҷаҳон-2026 байни дастаҳои Индонезия ва Баҳрайнро доварӣ менамояд
«ҶОМИ РУШД-2025». Дастаи мунтахаби наврасони Тоҷикистон (U-17) бар дастаи Эрон зафар ёфт
ҶОИЗАИ ПРЕЗИДЕНТИ ҶУМҲУРИИ ТОҶИКИСТОН. Беш аз 1,7 миллион сомонӣ ба ғолибони мусобиқаҳои байналмилалӣ супорида шуд
«ҶОМИ РУШД-2025». Бозии якуми дастаи мунтахаби наврасони Тоҷикистон (U-17) баргузор шуд
«Baku Grand Slam 2025». Ҷудочиёни тоҷик дар ин мусобиқа соҳиби ду медали биринҷӣ шуданд
«НАРДБОЗӢ». Он варзиши фикрие аст, ки ниёгонамон эҳё намудаанд
ҶОИЗАИ ПРЕЗИДЕНТИ ҶУМҲУРИИ ТОҶИКИСТОН. Дар Душанбе маросими ҷоизасупории соҳаи тарбияи ҷисмонӣ дар соли 2024 баргузор мегардад
Ҳамкории дуҷониба дар соҳаи варзиш байни Тоҷикистон ва Эрон муҳокима шуд
Байни Тоҷикистон ва Қатар ҳамкорӣ дар соҳаи кор бо ҷавонон ва варзиш тақвият меёбад
ФУТБОЛ. Қуръакашии тақвими Чемпионати Тоҷикистон-2025 баргузор гардид
Рӯзи ҷаҳонии футбол дар Варзишгоҳи марказии шаҳри Душанбе бо иштироки беш аз 500 кӯдак таҷлил мегардад