«Рақс моро муттаҳид менамояд!»- баргузории Фестивали байналмилалӣ дар Душанбе ба ифтихори 100-солагии Ғаффор Валаматзода

Ноябрь 18, 2016 10:17

Душанбе, 18.11.2016 /АМИТ «Ховар»/. Аз 20 то 24 ноябри соли равон Фестивали байналмилалии «Рақс моро муттаҳид менамояд!» бо иштироки гурӯҳҳои ҳунарии ҷумҳурӣ ва кишварҳои хориҷӣ дар Душанбе баргузор мегардад. Дар ин бора аз Вазорати фарҳанги Ҷумҳурии Тоҷикистон ба АМИТ «Ховар» хабар доданд.
«Дар фестивал Ансамбли давлатии тарона ва рақсии «Кубанская казачья вольница»-и кишвари Краснодари Федератсияи Русия, гурӯҳи рақсии Иттиҳодияии консертии ноҳияи мухтори Синтзян-Уйғури Ҷумҳурии Мардумии Чин, ансамблҳои рақсии «Лола», «Гулрез», «Базморо», «Ҷаҳоноро», «Чаман», гурӯҳи рақсии Филармонияи давлатии Тоҷикистон ба номи А.Ҷӯраев, ансамбли рақсии «Зебо»-и шаҳри Хуҷанд, гурӯҳи рақсии «Ситора»-и шаҳри Қурғонтеппа ва «Навои Бадахшон»-и шаҳри Хоруғ иштирок ва ҳунарнамоӣ менамоянд»,-иттилоъ додааст манбаъ.
Фестивали байналмилалии «Рақс моро муттаҳид менамояд» ба 100-солагии Ҳунарманди халқии СССР, дорандаи Ҷоизаи давлатии СССР ва Ҷоизаи давлатии ба номи Рӯдакӣ Ғаффор Валаматзода бахшида шуда, дар Театри давлатии академии опера ва балети ба номи С.Айнӣ доир мегардад.
Хотиррасон менамоем, ки 100-солагии Ғаффор Валаматзода бо пешниҳоди Ҳукумати Ҷумҳурии Тоҷикистон ба рӯйхати ҷашнҳои имсолаи ЮНЕСКО ворид карда шудааст.
«22 ноябр дар назар аст гурӯҳҳои ҳунарии Федератсияи Русия ва Ҷумҳурии Мардумии Чин ба шаҳри Қурғонтеппа сафар намоянд ва барномаи ҷолибу рангини худро пешкаши сокинони шаҳр гардонанд»,-хабар доданд аз Вазорати фарҳанги ҷумҳурӣ.

Ноябрь 18, 2016 10:17

Хабарҳои дигари ин бахш

Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
ZET-MOBILE иқдоми навро оғоз кард: тарофаҳои «SUPER Қувва» бо тахфифи 50%
Имрӯз дар шаҳри Душанбе ҳаво то 28 дараҷа гарм мешавад
РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд
Нависандаи халқии Тоҷикистон Кароматуллоҳи Мирзо дар 83- солагӣ аз дунё даргузашт
Имрӯз дар водиҳои Тоҷикистон ҳаво то 30 дараҷа гарм мешавад
Дмитрий Семёнов: «Синамоҷашнвораи байналмилалии «Тоҷи Сомон» фазои ҳамкории байналмилалӣ фароҳам овард»