Шукурҷон Зуҳуров бо раиси Думаи давлатии Федератсияи Русия мулоқот мекунад
Душанбе, 21.11.2016. /АМИТ «Ховар»/. Пагоҳ раиси Маҷлиси намояндагони Маҷлиси Олӣ Шукурҷон Зуҳуров ва ҳайати парлумонии мамлакат бо ширкати вакилони Маҷлиси намояндагон ва узви Маҷлиси миллии Маҷлиси Олӣ бо сафари корӣ ба шаҳри Санкт-Петербурги Федератсияи Русия парвоз менамоянд.
Мувофиқи иттилои котиби матбуотии Маҷлиси намояндагон Муҳаммадато Султонов, ҳайати расмии Парлумони Тоҷикистон рӯзҳои 22-26 ноябри соли равон дар ҷаласаҳои комиссияҳои доимии Ассамблеяи байнипарлумонии давлатҳои узви ИДМ (Иттиҳоди Давлатҳои Мустақил), иҷлосияи Шӯрои Ассамблеяи Байнипарлумонии СААД (Созмони Аҳдномаи Амнияти Дастаҷамъӣ) иштирок ва суханронӣ мекунанд. Ҳамчунин дар ҷаласаи 9-уми пленарии Ассамблеяи Байнипарлумонии Созмони Аҳдномаи Амнияти Дастаҷамъӣ ва ҷаласаи 45-уми пленарии Ассамблеяи Байнипарлумонии давлатҳои узви Иттиҳоди Давлатҳои Мустақил иштироки ҳайати парлумонии Тоҷикистон ба нақша гирифта шудааст.
Ҳайати парлумонии Тоҷикистонро муовини раиси Маҷлиси намояндагон Акрамшо Фелалиев, раисони кумитаҳои Маҷлиси намояндагон Лутфия Раҷабова, Абдураҳим Холиқзода, Эмомалӣ Насриддинзода, Рустам Латифзода, Олимҷон Салимзода, вакилони мардумӣ Мирзодавлат Сабуров ва Ҷамшед Саидов, аъзои Маҷлиси миллӣ Фарҳод Раҳимзода, Юсуф Имомзода ва Наргис Раҳмонзода намояндагӣ мекунанд.
Зимни сафари расмӣ Раиси Маҷлиси намояндагон Шукурҷон Зуҳуров бо Раиси Думаи давлатии Федератсияи Русия, инчунин ҳайати воломақоми парлумони Молдова мулоқот мекунад.
Сокини деҳаи Деваштичи шаҳри Панҷакент бо истифода аз панелҳои офтобӣ чорворо бо хӯроки сабз таъмин менамояд
НАМУНАИ ИБРАТ. Дар биноҳои баландошёнаи навбунёди шаҳри Хуҷанд панелҳои офтобӣ насб мегарданд
5 декабр дар Тоҷикистон бориши борон ва барф пешгӯӣ карда мешавад
Дар Вазорати рушди иқтисод ва савдо сатҳи омодагии вилояти Суғд ба фасли зимистон баррасӣ гардид
Дар роҳи Душанбе-Чанок 690 километр хатҳои уфуқӣ кашида шуданд
Ба одамон наздиктар. Ифтитоҳи марказҳои нави хизматрасонии МегаФон Тоҷикистон
Имрӯз дар баъзе ноҳияҳои Тоҷикистон туман мефарояд
Доир ба вазифаҳои илми муосири иқтисодӣ конференсия баргузор шуд
Исломиддин Раҳмон: «Сарфаҷӯии неруи барқ яке аз омилҳои таъмини амнияти энергетикии Тоҷикистон ба ҳисоб меравад»
Имрӯз дар Тоҷикистон ҳавои тағйирёбанда шуда, чангу ғубор ба амал меояд
Форуми ҷавонони Созмони ҳамкории Шанхай дар Душанбе баргузор мегардад
Имрӯз дар баъзе ноҳияҳои Тоҷикистон хокбориш ба амал меояд
