Эмомалӣ Раҳмон: «Тоҷикистон ба кишвари транзитӣ табдил мегардад»
ДУШАНБЕ, 22.12.2016/АМИТ «Ховар»/. Ҷумҳурии Тоҷикистон то соли 2030 ба кишвари транзитӣ табдил меёбад. Дар робита ба ин имрӯз Президенти Ҷумҳурии Тоҷикистон Эмомалӣ Раҳмон зимни ироаи Паёми навбатӣ ба Парлумони кишвар зикр намуданд, ки «дар давраи миёнамуҳлат бо ҷалби сармояи хориҷиву ватанӣ таҷдид ва навсозии зиёда аз 2000 километр роҳҳои мошингард пешбинӣ гардидааст». Ин тадбир бо мақсади пурра ба меъёрҳои замонавӣ мутобиқ гардонидани роҳҳои мошингард ва дигар инфрасохтори нақлиётӣ ва ба мамлакати транзитӣ табдил додани Тоҷикистон андешида шудааст.
Ҳамзамон Асосгузори сулҳу ваҳдати миллӣ, Пешвои миллат Эмомалӣ Раҳмон зимни ироаи Паёми навбатӣ ба Маҷлиси Олӣ бо дахли аҳамияти муҳими соҳаи роҳсозӣ ва нақлиёт зикр карданд, ки «имрӯзҳо дар Ҷумҳурии Тоҷикистон 19 лоиҳаи давлатии сармоягузорӣ ба маблағи умумии 6,5 миллиард сомонӣ амалӣ шуда истодааст. Таъкид гардид, ки дар солҳои охир роҳи оҳани Душанбе-Қурғонтеппа-Кӯлоб (қитъаи Ваҳдат-Ёвон), роҳҳои мошингарди Душанбе-Турсунзода, Айнӣ- Панҷакент ва Восеъ-Ховалинг ба маблағи умумии наздик ба се миллиард сомонӣ ба истифода дода шуданд. Инчунин, сохтмони роҳи мошингарди Кӯлоб-Дарвоз (қитъаи Шӯрообод-Шоҳон) ва роҳи Сайрон-Қарамиқ идома дорад. Соли равон корҳои сохтмону таҷдид дар якчанд иншооти нақлиётӣ, аз ҷумла роҳи мошингарди Хуҷанд-Исфара, қитъаи роҳи мошингарди Душанбе-Турсунзода ва беҳтар намудани инфрасохтори фурудгоҳи байналмилалии Душанбе оғоз гардид.
Соли 2017 таҷдиду барқарорсозии роҳҳои мошингарди Душанбе- Қӯрғонтеппа ва қисматҳои алоҳидаи шоҳроҳи Кӯлоб-Дарвоз, Кӯлоб- Шамсиддин Шоҳин ва Шкев- маркази ноҳияи Дарвоз дар назар аст.
ФУТЗАЛ. Барои мураббиён машғулиятҳои омӯзишии «Level-2» оғоз шуд
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
Дар Китобхонаи миллӣ вобаста ба Парчами давлатӣ-рамзи соҳибистиқлолии Тоҷикистон ҳамоиш доир шуд
Дар Душанбе Форуми Осиёи Марказӣ «Tech Jam 2024» баргузор шуд
Дар ноҳияи Мурғоб неругоҳи барқи офтобӣ сохта мешавад
«АДОИ ХИЗМАТ ДАР САФИ АРТИШИ МИЛЛӢ-РИСОЛАТИ ҶАВОНМАРДӢ!». Таҳти ин унвон ҳамоиши ҷавонон баргузор гардид
ТАҲТИ ҲАМИН ПАРЧАМ БА ВАҲДАТИ МИЛЛӢ РАСИДЕМ. Дар Кумитаи забон ва истилоҳот ҳамоиш доир шуд
Дар ноҳияҳои кӯҳии Тоҷикистон омадани сел дар назар аст
ПАРЧАМАТ БОДО ПАРАФШОН, ТОҶИКИСТОН! Дар мақомоти Ваколатдор оид ба ҳуқуқи инсон ҳамоиши идона доир шуд
