Фурӯши ғайриқонунии маводи мухаддир ошкор ва пешгирӣ карда шуд

Декабрь 9, 2016 15:45

ДУШАНБЕ, 09.12.2016 / АМИТ «Ховар»/. Кормандони Раёсати Кумитаи давлатии амнияти миллии Ҷумҳурии Тоҷикистон дар шаҳри Душанбе зимни амалиёти фаврӣ-ҷустуҷӯӣ дар ҳудуди шаҳри Душанбе шаҳрвандон «К.И.С.» ва «Ҳ.Ҷ.С.»-ро бо гумони даст доштан дар муомилоти ғайриқонунии маводи мухаддир дастгир намуданд. Дар ин бора аз КДАМТ ҶТ ба АМИТ «Ховар» иттилоъ доданд.
«Таҳқиқи минбаъдаи қазияи мазкур маълум кард, ин ду шаҳрванд бо қочоқчиёни афғон Абдулло ва Хайрмаҳмад созиши ҷиноятӣ баста, воситаҳои нашъадори дастраснамудаашонро дар қуттии шарбати мева ҷойгир намуда, тавассути сарҳади гумрукии Панҷи Поён, воқеъ дар ноҳияи Ҷайҳун бо истифода аз мошини боркаш ба ҶТ интиқол додаанд», — таъкид карданд дар хадамоти матбуоти КДАМ ҶТ.
Ташхиси минбаъда муайян кард, ки маводи мухаддири мусодирашуда воситаи нашъадори навъи «ҳашиш» буда, вазни умумии онҳо 3 киллограмму 786 граммро ташкил медиҳад.
Айни замон нисбат ба боздоштшудагон бо дастрасии моддаҳои 200 қисми 3-и Кодекси ҷиноятии Ҷумҳурии Тоҷикистон парвандаҳои ҷиноятӣ оғоз карда шуда, тафтишоти пешакӣ давом дорад.

Декабрь 9, 2016 15:45

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Қатар барои сарфа ва тоза кардани об технологияҳои нав истифода мебарад
РЎЗИ БАЙНАЛМИЛАЛИИ ҶАНГАЛ. Дар Тоҷикистон 8 намуди навъи нави писта ва чормағз парвариш карда мешавад
Дар Шветсия бузургтарин ҷаҳиши солонаи нархи ғизо дар 70 соли охир ба мушоҳида расид
Имрӯз дар Тоҷикистон ҳаво рӯзона то 26 дараҷа гарм мешавад
Моҳи март дар осмон якбора чанд сайёраро дидан мумкин аст
Зарари умумии заминларзаи Туркия аз 105 миллиард доллар гузашт
«МАЛИКАИ НАВРӮЗ — 2023». Дар Кӯлоб озмуни вилоятӣ доир карда шуд
Дар Қазоқистон интихоботи ғайринавбатии вакилони палатаи поёнии Парлумон ба анҷом расид
Муҳаққиқон хабар доданд, ки ба истеҳсоли қаҳва тағйирёбии иқлим таҳдид мекунад
Имрӯз дар шаҳри Душанбе ҳаво рӯзона то 17 дараҷа гарм мешавад
Имрӯз дар баъзе ноҳияҳои Тоҷикистон борон ба амал меояд