Соли 2016 ба буҷети суғуртаи иҷтимоӣ ва нафақа зиёда аз 2 млрд. сомонӣ ворид гардид

Декабрь 16, 2016 12:00

p1000094ДУШАНБЕ, 16.12.2016. /АМИТ «Ховар»/. Дар Агентии суғуртаи иҷтимоӣ ва нафақаи назди Ҳукумати Ҷумҳурии Тоҷиктистон ҷаласаи мушовара оид ба фаъолияти Агентӣ дар соли 2016 ва вазифаҳо барои рушди соҳаи суғуртаи иҷтимоӣ ва нафақа дар соли 2017 баргузор шуд.
Муовини якуми директори Агентӣ Назокат Одиназода оид ба натиҷаҳои ҷамъбасти фаъолияти Агентӣ дар соли 2016 гуфт: «Дар соли 2016 ба буҷети суғуртаи иҷтимоӣ ва нафақа аз ҳисоби андози иҷтимоӣ 2 млрд. 186,2 млн. сомонӣ ворид гардид, ки нисбат ба ҳамин давраи соли гузашта 118,7 млн. сомонӣ ё 5,4 фоиз зиёд мебошад. Қисми хароҷоти он 2 млрд. 210 млн. сомониро ташкил менамояд, ки нисбат ба ҳамин давраи соли гузашта 246,3 млн. сомонӣ ё 11,1 фоиз афзоиш ёфтааст. Аз ин барои пардохти нафақаву кумакпулиҳои иҷтимоӣ ва хароҷот дар корхонаву ташкилот аз ҳисоби маблағҳои андози иҷтимоӣ 2 млрд. 120,4 млн. сомонӣ равона карда мешавад, ки дар қиёс ба ҳамин давраи соли гузашта 224,8 млн. сомонӣ ё 10,6 фоиз зиёд мебошад».
Талаботи пардохти нафақа ва кумакпулиҳои иҷтимоӣ сари вақт аз рӯи реҷаи тасдиқгардида то охири соли 2016 пурра маблағгузорӣ карда мешаванд.
Бо назардошти таъмин нагардидани қисми даромади буҷети суғуртаи иҷтимоӣ ва нафақа барои маблағгузории саривақтии нафақа ва кумакпулиҳои иҷтимоӣ аз ҳисоби маблағҳои мутамаркази Агентӣ ба вилоятҳо ва шаҳру ноҳияҳои ҷумҳурӣ 436 млн. сомонӣ ҷудо гардид.
Дар соли равон ҷиҳати татбиқи барномаҳои сиёсати шуғл, аз ҷумла пардохти кумакпулӣ барои бекорӣ, пардохти идрорпулии шаҳрвандони бекор, ки тавассути роҳхатҳои мақомоти мазкур ба тайёрии касбӣ сафарбар карда шудаанд, барои тайёрии касбӣ, бозомӯзӣ ва такмили ихтисоси бекорон ва ташкили корҳои ҷамъиятии музднок барои бекорон ба Агентии меҳнат ва шуғли аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон ба маблағи 13,5 млн. сомонӣ ва барои татбиқи чорабиниҳои иттифоқи касаба ба Федератсияи иттифоқҳои касабаи мустақили Тоҷикистон 6,4 млн. сомонӣ маблағгузорӣ карда шуд.

Декабрь 16, 2016 12:00

Хабарҳои дигари ин бахш

Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
«ИСТИҚЛОЛ-НЕЪМАТИ БЕБАҲО». Дар ин мавзуъ дар Донишгоҳи давлатии Хоруғ конференсияи илмӣ доир гардид