Агентии назорати давлатии молиявӣ ва мубориза бо коррупсия тасарруфи маблағҳои буҷетиро аз тарафи шаҳрвандони хориҷӣ ошкор кард
ДУШАНБЕ, 27.01.2017 /АМИТ «Ховар»/. Нимаи дуюми соли 2016 тафтиши пешакии парвандаҳои ҷиноятии дорои аҳамияти ҷамъиятӣ нисбат ба собиқ раисони судҳои ноҳиявӣ, ки ҷиноятҳои вазнини коррупсионӣ содир кардаанд, ба анҷом расида, бо фикри айбдоркунӣ ба додгоҳҳо фиристонида шуданд. Вобаста ба ин, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода имрӯз дар Душанбе зимни нишасти матбуотӣ ба намояндагони ВАО чунин изҳор кард: «Соли 2016 муфаттишони Агентӣ парвандаҳои ҷиноятӣ нисбат ба раиси Суди ноҳияи Бобоҷон Ғафурови вилояти Суғд Х. Сангинзода оид ба гирифтани пора ба маблағи 2 ҳазор доллари ИМА ва додани пора дар ҳаҷми 50 ҳазор доллари ИМА, нисбат ба судяи Суди ноҳияи Рӯдакӣ И. Саидзода ҷиҳати бо роҳи тамаъҷӯйӣ дар якчанд маврид талаб намудан ва гирифтани пора ба маблағи зиёда аз 100 ҳазор доллари ИМА, нисбат ба судяи шаҳри Душанбе Х. Холиқзодаро оид ба гирифтани пора ба маблағи 2 ҳазор доллари ИМА ба итмом расониданд».
Сулаймон Султонзода зикр кард, ки соли гузашта муфаттишони Агентӣ нисбат ба кормандони ВКД М.Қосимов ва С. Хоҷаев оид ба даст задани онҳо ба муомилоти ғайриқонунии воситаҳои нашъадор ба миқдори махсусан калон (зиёда аз 18 кг) парвандаи ҷиноятӣ боз карда, тафтишот бурданд.
Ғайр аз ин, кормандони Агентии мазкур аз тарафи шаҳрвандони хориҷӣ тасарруф шудани маблағҳои буҷетиро ошкор карданд. «Нисбат ба шаҳрвандони Ҷумҳурии Халқии Чин Чи Бин оид ба тасарруфи маблағҳои буҷетӣ дар ҳаҷми 15,6 миллион сомонӣ ва Ин Суандэ оид ба тасарруфи маблағҳои буҷетӣ дар ҳаҷми 14,2 миллион сомонӣ тафтишоти пешакии парвандаҳои ҷиноятӣ пурра ба охир расонида шуда, бо тасдиқи фикри айбдоркунӣ ба судҳо ирсол шудаанд», — гуфт С.Султонзода.
Яке аз роҳҳои пешгирии терроризму экстремизм баланд бардоштани маърифати шаҳрвандон мебошад
Ҳайати Хадамоти амнияти давлатии Ҷумҳурии Узбекистон ба Ҷумҳурии Тоҷикистон омад
Дар Суғд маросими тантанавии гусели даъватшавандагон ба хизмати ҳарбӣ доир шуд
Ҷавонони ватандӯсту шуҷои ноҳияи Деваштич ба хизмати ҳарбӣ равона гардиданд
Дар ноҳияи Мастчоҳ аввалин гурӯҳи ҷавонони синни даъватиро ба хизмат гусел намуданд
ХИЗМАТ БА ВАТАН ШАРАФ ВА ҶАСОРАТ АСТ! Ҷавонони ноҳияи Ҷаббор Расулов бо ҳисси баланди ватандӯстӣ ба хизмати ҳарбӣ рафтанд
Ноҳияи Исмоили Сомонии шаҳри Душанбе нақшаи даъвати баҳории ҷавононро ба сафи Қувваҳои Мусаллаҳ иҷро намуд
«МАРЗУ БУМИ ВАТАНРО СОДИҚОНА ҲИФЗ МЕНАМОЕМ!». Ҷавонони Файзобод бо дуои неки волидон ба хизмат дар сафи Қувваҳои Мусаллаҳи Тоҷикистон рафтанд
«ХИЗМАТ БА ВАТАН ҚАРЗИ ФАРЗАНДИИ МОСТ!». Ҷавонони шаҳри Ҳисор ба таври ихтиёрӣ ба комиссариати ҳарбӣ ҳозир шуданд
БАРОИ ВАТАН ҶОН ФИДО МЕКУНЕМ! Дар Бӯстон Рӯзи даъватшаванда баргузор гардид
Ҷавонони шаҳри Турсунзода бо дуои неки модарон ба сафи Артиши миллӣ пайвастанд
Нақшаи даъвати баҳории шаҳрвандони Тоҷикистон ба сафи Артиши миллӣ беш аз 54 фоиз иҷро гардид
