Анҷумани ғайринавбатии Иттифоқи ҷавонони Тоҷикистон доир мегардад

ДУШАНБЕ, 27.01.2017 /АМИТ Ховар/. Имрӯз, 27 январи соли равон дар бинои «Қасри афсарон»-и Вазорати мудофиаи Ҷумҳурии Тоҷикистон Анҷумани ғайринавбатии Иттифоқи ҷавонони Тоҷикистон баргузор мешавад. Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд.
Тибқи иттилои манбаъ, мақсади асосии Анҷумани ғайринавбатии Иттифоқи ҷавонон- ин ба нақша гирифани фаъолияти Иттифоқ, дар сатҳи баланд таҷлил намудани Соли ҷавонон ва 20- солагии Рӯзи Ваҳдати миллӣ мебошад. Ҳамчунин масъалаи қабули Қатъномаи Даҳсолаи байналмилалии амал «Об барои рушди устувор», солҳои 2018-2028 ва расидан ба истиқлолияти энергетикӣ мавриди таҳлилу баррасӣ қарор мегиранд.
Дар кори анҷуман намояндагони вазорату идораҳо, минтақа ва вакилони анҷуман иштирок менамоянд.