Дар Ҷаласаи XVII Шӯрои машваратӣ рушди соҳибкорӣ дар соҳаҳои энергетика ва сайёҳӣ мавриди баррасӣ қарор дода шуд

Январь 30, 2017 16:49

ДУШАНБЕ, 30.01.2017./АМИТ «Ховар»/. Дар Ҷаласаи XVII Шӯрои машваратӣ оид ба беҳтар намудани фазои сармоягузорӣ, ки имрӯз дар шаҳри Душанбе таҳти раёсати Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон, Раиси Шӯрои машваратӣ оид ба беҳтар намудани фазои сармоягузорӣ муҳтарам Эмомалӣ Раҳмон доир гардид, амалӣ намудани як зумра тадбирҳо дар самти рушди соҳибкорӣ, таъсиси ҷойҳои корӣ, истеҳсоли маҳсулоти инноватсионӣ, коҳиш додани воридот ва баланд бардоштани иқтидори содиротии мамлакат, инчунин нақши неруи созандаи бахши хусусӣ дар рушди иқтисодии мамлакат мавриди баррасӣ қарор гирифтанд.
Тавре хабарнигори АМИТ «Ховар» иттилоъ дод, Котиби масъули Шӯро, Раиси Кумитаи сармоягузорӣ ва амволи давлатии Ҷумҳурии Тоҷикистон Файзиддин Қаҳҳорзода оид ба мониторинги иҷрои қарорҳои қаблии Шӯрои машваратӣ гузориш дода, таъкид намуд, ки қарорҳои дар ҷаласаи қаблӣ қабулгардида ба беҳсозии фазои сармоягузорӣ дар соҳаи кишоварзӣ ва рушди тиҷорати аграрӣ, таҳлили низоми андозбандии фаъолияти соҳибкорӣ, таблиғоти бештари маҳсулоти ватанӣ тариқи ВАО ва беҳтар намудани нишондиҳандаҳои байналмилалии ҷумҳурӣ равонашуда иҷро гирдиданд.
Вазири энергетика ва захираҳои оби Ҷумҳурии Тоҷикистон Усмоналӣ Усмонзода вобаста ба масъалаи дуюм оид ба натиҷаҳои таҳлили беҳтар намудани фазои сармоягузорӣ дар бахшҳои энергетика ва лоиҳаи Нақшаи чорабиниҳо дар ин самт гузориш дод.
Вобаста ба масъалаҳои дахлдори ҷаласа намояндагони бахши хусусӣ ва шарикони рушд низ сухан гуфтанд. Дар робита ба масъалаи дуюм узви шӯро аз бахши хусусӣ, роҳбари ҶДММ «Кафолат» дар бораи дастгирии соҳибкории хусусӣ андешаҳояшро баён намуда, пешниҳод кард, ки дар назди Кумитаи давлатии сармоягузорӣ ва идораи амволи давлатӣ телефони боварӣ таъсис дода шавад. Роҳбари ҶДММ «Барқ сохтмон лоиҳакаш» Комилҷон Иброҳимов ва Намояндаи доимии Бонки Осиёгии рушд дар Тоҷикистон Си Си Ю дар навбати худ оид ба як қатор масъалаҳои соҳа ибрози назар намуданд.
Сипас, гузориши раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абдуллозода аз рӯи масъалаи сеюм оид ба ҷараёни амалисозии нақшаи чорабиниҳои Ҳукумати мамлакат оид ба беҳсозии фазои сармоягузорӣ дар бахши сайёҳӣ шунида шуд.
Аз ҷониби баромадкунандагон бо мақсади таъмини рушди бемайлони фаъолияти соҳибкориву сармоягузорӣ тавсияҳо пешниҳод гардиданд.
Оид ба масъалаи ниҳоии рӯзномаи ҷаласа, котиби масъули шӯро Раиси Кумитаи давлатии сармоягузорӣ ва идораи амволи давлатӣ Файзиддин Қаҳҳорзода маълумот дода, масъалаи беҳтар намудани фазои сармоягузориву соҳибкорӣ дар бахши бонкдориву молия ва муосиргардонии хизматрасониҳои давлатӣ ба соҳибкоронро барои баррасӣ дар ҷаласаи ояндаи шӯрои машваратӣ пешниҳод намуд, ки он аз ҷониби аъзои шӯро дастгирӣ ёфт.
Асосгузори сулҳу ваҳдати миллӣ ҷаласаро ҷамъбаст намуда, ба масъулин ва вазорату идораҳо вобаста ба масъалаҳои баррасигардида супоришҳои дахлдор доданд.

Январь 30, 2017 16:49

Хабарҳои дигари ин бахш

Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд