Дар шаҳрҳои Душанбе ва Хуҷанд манораи назоратӣ сохта мешавад
ДУШАНБЕ, 26.01.2016 /АМИТ «Ховар»/. Имрӯз зимни нишасти матбуотӣ муовини директори генералии КВД «Тоҷикаэронавигатсия» Раҳимҷон Саидов ба хабарнигорон иттилоъ дод, ки аз ҷониби Ҳукумати Фаронса дар шаҳри Душанбе манораи назоратӣ сохта мешавад.
Сохтмони манораи назоратӣ пурра аз ҳисоби Фаронса буда, қиммати аввалаи сохтмон дар лоиҳа аз 2 миллиону 800 то 3 миллион долларро ташкил медиҳад,- гуфт номбурда ва илова намуд, ки бо назардошти буҳрони иқтисодӣ шояд миқдори ин маблағ тағйир ёфта, нарх боло равад.
Ҳоло аз тарафи Ҳукумати Фаронса ҳамаи ҳуҷҷатҳо имзо шуда, оғози сохтмон моҳи август дар назар дошта шудааст.
Ҳамчунин Раҳимҷон Саидов илова намуд, ки лоиҳаи манораи Хуҷанд низ омода шуда, сохтмони он аз ҷониби худи КВД «Тоҷикаэронавигатсия» ба роҳ монда мешавад.
«Айни замон корҳои омода ва тасдиқкунии лоиҳа идома дошта, арзиши ниҳоии он маълум нест. Бо сабабе, ки корхона қудратманд аст, метавонад ин сохтмонро ба сомон расонад», — зикр намуд Раҳимҷон Саидов.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
