Федерер ғолиби «Australian Open» гардид

ДУШАНБЕ, 31.01.2017/АМИТ «Ховар»/. Теннисбози швейтсарӣ Роҷер Федерер дар чемпионати кушоди Австралия пирӯзии комили худро дар муқобили Рафаэл Надал ба даст овард. Дар ин бора расонаҳои варзишии ҷаҳон иттилоъ медиҳанд.
Дар вохӯрии ниҳоӣ Роҷер Федерери 35-сола Рафаэл Надалро бо натиҷаи 3:2 (6:4 ,3:6, 6:1, 3:6, 6:3) шикаст дод. Дар сети ҳалкунанда Надал бо натиҷи 3:1 дар сафи пеш буд, аммо Роҷер пайдарпай панҷ геймро ба нафъи худ анҷом дода, дар ду брейк пойнт бартарӣ нишон дод.
Ба ҳамин тартиб, Федерер маротибаи 18-ум дар бозиҳои «Тоскулоҳи бузург» ба пирӯзӣ ноил гардид, ки панҷ ададашро «Australian Open» ( 2004, 2006, 2007, 2010, 2017) ташкил медиҳад. Ин теннисбози швейтсарӣ маротибаи охир дар соли 2012 дар мусобиқоти «Тоскулоҳи бузург», дар бозии ниҳоии Ҷоми Уимблдон Энди Марейи англисро мағлуб карда буд.
«Australian Open»-аввалин мусобиқаи ин силсила дар оғози соли нав аст ва маблағи ҷоизавиаш аз 36 миллион доллар бештар мебошад. Он аз 16 то 29 январ дар шаҳри Мелнбурн давом кард.