Имрӯз дар ҷаласаи селектории Вазорати корҳои дохилӣ масъалаи пешгирӣ ва мубориза бо коррупсия баррасӣ гардид

Январь 31, 2017 19:03

ДУШАНБЕ, 31.01.2017./АМИТ «Ховар»/. Имрӯз дар назди Вазири корҳои дохилӣ генерал-лейтенанти милитсия Рамазон Раҳимзода  ҷаласаи селекторӣ (конференсияи видеоӣ) доир гардида, масъалаҳои мубориза бо ҷиноятҳои хусусияти коррупсионидошта, пешгирии ҳаракатҳои коррупсионӣ миёни кормандони мақомоти корҳои дохилӣ ва хизматчиёни ҳарбӣ, риояи қонуният ва интизоми хизматӣ, пурзӯр намудани корҳои профилактикӣ-фаҳмондадиҳӣ дар ин самт мавриди баррасӣ қарор гирифтанд. Дар ин бора ба АМИТ «Ховар» аз ВКД ҶТ хабар доданд.

Дар ҷаласа сардорони Академияи ВКД, Сарраёсат, Сармарказ, Сарситод, Раёсатҳо ва шӯъбаҳои Вазорати корҳои дохилӣ дар ноҳияҳои тобеи ҷумҳурӣ ва ҷузъу томҳои мақомоти корҳои дохилӣ ширкат намуданд.
Ҷаласаи мазкур мустақим пахш гардида, тариқи камераҳои видеоӣ бо РВКД дар шаҳри Душанбе, РБДА, СХДО ва Маркази ҳамкории милитсия бо ҷомеаи ВКД, тариқи пахши мустақими овозӣ (аудиоӣ) бо Раёсатҳои ВКД дар вилоятҳои Суғд, Хатлон, ВМКБ, минтақа ва ноҳияи Рашт пайваст гардид ва кормандони раёсатҳои мазкур бевосита онро тамошо ва истимоъ карданд.  Рамазон Раҳимзода доир ба амалӣ намудани «Стратегияи давлатии муқовимат бо коррупсия барои солҳои 2013-2020» сухан ронда, зикр намуд, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олӣ таъкид доштанд, ки мубориза бо коррупсия фақат вазифаи мақомоти ҳифзи ҳуқуқ нест. Дар ин мубориза тамоми аҳли ҷомеа, ҳар як шаҳрванд ва ҷомеаи шаҳрвандӣ низ бояд бетараф набошад.

Таъкид гардид, ки коррупсия пеши роҳи рушди ҷомеаро мегирад, танҳо дар якҷоягӣ метавон бо ин зуҳуроти номатлуб мубориза бурд.
Кормандони мақомоти корҳои дохилӣ ва ҷузъу томҳои он бояд бо ахлоқи ҳамида, рафтору кирдор ва ватандӯстиву ватанпарастӣ намунаи ибрати дигарон бошанд ва дар пешгирӣ ва мубориза бо ҷиноятҳои хусусияти коррупсионидошта тамоми кӯшишу ғайрати худро равона созанд.

Мақомоти корҳои дохилӣ ва Агентии назорати давлатии молиявӣ ва мубориза бо коррупсия дар бартараф ва пешгириву ошкор намудани чунин ҷиноятҳо дар ҳамкории зич қарор дошта, то ба имрӯз дар ҳамбастагӣ чандин ҳолатҳои коррупсиониро муайяну ошкор намудаанд.

Дар ҷараёни ҷаласа Вазири корҳои дохилӣ содир гардидани ҷиноятҳои коррупсионӣ миёни кормандони мақомоти корҳои дохилӣ ва хизматчиёни ҳарбиро ташвишовар арзёбӣ намуда, ба баъзе роҳбарони ҷузъу томҳои мақомоти корҳои дохилӣ, ки кормандонашон даст ба ҷиноятҳои дорои хусусияти коррупсионӣ задаанд, ҷазои интизомӣ татбиқ намуд.
Дар интиҳои ҷаласа Вазири корҳои дохилӣ ҷиҳати пешгирӣ ва мубориза бо ҷиноятҳои хусусияти коррупсионидошта ва тақвият бахшидани корҳои профилактикӣ-фаҳмондадиҳӣ як қатор дастуру супоришҳои мушаххас дод.

Январь 31, 2017 19:03

Хабарҳои дигари ин бахш

Прокурорҳои генералии Тоҷикистон ва Узбекистон масоили муқовимат ба ҷинояткории фаромиллиро баррасӣ намуданд
10 РӮЗИ АМАЛИЁТИ ШАРТИИ «ТАСМАИ БЕХАТАРӢ» ВА «СКУТЕР». Зиёда аз 1000 ҳолати риоя нагардидани қоидаҳои ҳаракат дар роҳ ошкор гардид
Прокурори генералии Тоҷикистон дар ҷаласаи 6-уми прокуророни генералии давлатҳои аъзои СҲИ иштирок намуд
Ҷаласаи навбатии Кумитаи сардорони ситоди Қувваҳои Мусаллаҳи кишварҳои ИДМ баргузор гардид
БОВАРӢ БА ФОЛБИНУ СОҲИР МЕТАВОНАД БА АҚЛ ВА ФИКРИ ИНСОН ЗАРАР РАСОНАД. Ва ё чаро одамон ба фолбинҳо бовар мекунанд?
ҚОИДАҲОИ ҲАРАКАТ ДАР РОҲРО РИОЯ НАМОЕД! Бо иштироки мототсикл ва скутер 140 ҳодисаи роҳу нақлиёт сабт гардидааст
Ҷаласаи Мушовараи якҷояи вазоратҳои корҳои дохилии Ҷумҳурии Тоҷикистон ва Федератсияи Россия баргузор гардид
Дар Душанбе ҷаласаи ҳамоҳангсози сохторҳои қудратӣ ва мақомоти ҳифзи ҳуқуқ доир гардид
Ҷаласаи комиссияи даъвати ҷумҳуриявӣ оид ба омодагӣ ба даъвати тирамоҳии хизмати ҳарбӣ доир шуд
Наҷотдиҳандагони Тоҷикистон дар тамринҳои байналмилалии ҷустуҷӯӣ ва наҷотдиҳӣ дар Британияи Кабир иштирок намуданд
Gallup: Тоҷикистон аз ҷиҳати амну субот ва эътимоду боварии шаҳрвандон ба мақомоти ҳифзи ҳуқуқ дар ҷойи якум қарор гирифт
Тоҷикистон ба даҳгонаи давлатҳои амнтарини ҷаҳон шомил шуд