«Корвони маърифат» аз ноҳияи Ҷомӣ шурӯъ шуда, дар шаҳри Қӯрғонтеппа ҷамъбаст мегардад

ҚӮРҒОНТЕППА, 26.01.2017 /АМИТ «Ховар»/. Бо мақсади ба аҳолии вилояти Хатлон расонидани мазмуну муҳтавои самтҳои асосии сиёсати иҷтимоӣ, дохилию хориҷии мамлакат ва вазифаҳое, ки аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон бармеоянд, ҳамзамон боло бурдани ҳисси ватандӯстӣ ва сулҳу ваҳдатхоҳии сокинони вилоят бахшида ба таҷлили 20-солагии Рӯзи Ваҳдати миллӣ дар шаҳру ноҳияҳо ва ҷамоатҳои шаҳраку деҳоти вилоят барномаҳои оммавӣ ва фарҳангиву иттилоотии «Корвони маърифат» гузаронида мешаванд.
Тавре аз шуъбаи иттилоотӣ-таҳлилии мақомоти иҷроияи ҳокимияти давлати вилояти Хатлон иттилоъ доданд, мулоқоту вохӯриҳо ва барномаҳои «Корвони Маърифат» 28 январи соли 2017 аз ноҳияи Абдураҳмони Ҷомӣ шурӯъ шуда, 17 июни соли 2017 дар шаҳри Қӯрғонтеппа ҷамъбаст мегарданд.