Натиҷаҳои ҷаласаи 14-уми Комиссияи байниҳукуматии Тоҷикистону Россия оид ба ҳамкориҳои иқтисодӣ
ДУШАНБЕ, 27.01.2017. /АМИТ «Ховар»/. Имрўз дар шаҳри Душанбе ҷаласаи 14-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкориҳои иқтисодӣ баргузор гардид.
Рўзномаи ҷаласаи навбатӣ нахуст дар вохўрии хоссаи ҳамраисони Комиссияи байниҳукуматӣ-Сарвазири Ҷумҳурии Тоҷикистон Қоҳир Расулзода ва муовини якуми Раиси Ҳукумати Федератсияи Россия Игор Шувалов мувофиқа гардида, сипас дар нишасти васеъ бо иштироки ҳайатҳо мавриди баррасӣ қарор дода шуд.
Дар ҷаласа муҳимтарин самтҳои ҳамкориҳои байниҳукуматии Тоҷикистону Россия дар соҳаҳои иқтисоду тиҷорат, энергетика, нақлиёт, кишоварзӣ, молияву бонкдорӣ, гумрук, муҳоҷирати меҳнатӣ, илму маориф, фарҳанг, тандурустӣ ва варзиш мавриди баррасӣ қарор гирифта, оид ба тақвияти муносибатҳои дуҷониба дар соҳаҳои мазкур, иҷрои нақшаи қарорҳои ҷаласаи 13-ум ва нақшаи чорабиниҳо ҷиҳати татбиқи Барномаи ҳамкориҳои иқтисодӣ барои солҳои 2015-2018, инчунин рушду тавсеаи ҳамкориҳо байни минтақаҳои Тоҷикистон ва Россия фикру мулоҳизаҳои судманд баён карда шуданд.
Доир ба бартарафсозии мушкилоту монеаҳои мавҷуда, ки ба рушду тавсеаи бештару хубтари ду давлати ба ҳам дўст таъсири манфӣ мерасонанд, табодули афкор сурат гирифта, ҳарду ҷониб омодагию ҳавасмандии худро ҷиҳати тақвияти ҳамкориҳо дар самти содироти маҳсулоти хушсифати кишоварзии Тоҷикистон ба Россия, роҳандозии хатсайрҳои ҳавоии байнидавлатӣ бо назардошти манфиатҳои ҳамдигар ва мусоидат ба беҳтарсозии вазъи муҳоҷирати меҳнатӣ таъкид намуданд.
Дар анҷом аз ҷониби ҳамраисони Комиссия-Сарвазири Ҷумҳурии Тоҷикистон Қоҳир Расулзода ва муовини якуми Раиси Ҳукумати Федератсияи Россия Игор Шувалов қарори ҷаласаи 14-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкориҳои иқтисодӣ имзо карда шуд.
Вобаста ба натиҷаҳои кори ҷаласаи 14-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкориҳои иқтисодӣ роҳбарони ҳайатҳо бо изҳороти матбуотӣ дар ҳузури намояндагони воситаҳои ахбори омма баромад намуда, натиҷаҳои вохўрии имрўзаро барои ҳарду ҷониб манфиатбор арзёбӣ карданд.
Имрӯз дар шаҳри Душанбе Иди тарбуз, харбуза ва каду баргузор мегардад
Байни Вазорати кишоварзии Тоҷикистон ва Вазорати кишоварзии Қазоқистон Ёддошти тафоҳум ба имзо расид
НАЗАРИ КОРШИНОС. Рушди минбаъдаи иқтисодиёти Тоҷикистон бояд ба рушди фаъолияти соҳибкорию бахши хусусӣ нигаронида шавад
Дар Душанбе ба маблағи зиёда аз 47 миллион доллар созишномаҳои грантӣ ба имзо расиданд
Байни Кумитаи бехатарии озуқавории Тоҷикистон ва Кумитаи назорат ва бозрасии ветеринарии Вазорати кишоварзии Қазоқистон Ёддошти тафоҳум ба имзо расид
ИМЗОИ ЁДДОШТИ ТАФОҲУМ. Тоҷикистон ва Қазоқистон ҳамкориро дар соҳаи нафту газ тақвият мебахшанд
Таҷрибаи Қазоқистон дар самти иқтисоди рақамӣ, ҳукумати электронӣ ва ҳисоббаробаркунии ғайринақдӣ мавриди истифодаи Тоҷикистон қарор мегирад
Дар ноҳияи Зафаробод коргоҳи истеҳсоли мумфарш ба фаъолият оғоз намуд
Байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат ба имзо расид
Шарикони рушд дар барқарорсозии роҳу пулҳои аз офатҳои табиӣ зарардида кумак менамоянд
Агентии «Тоҷикстандарт» ба соҳибкорон моҳияти татбиқи стандартҳои байналмилалиро меомӯзонад
ТОҶИКИСТОН ВА ҚАЗОҚИСТОН. Гардиши тиҷорати хориҷӣ байни ду давлат соли гузашта 1,2 миллиард доллари ИМА-ро ташкил дод
