Расонаҳои мисрӣ ва арабӣ дар бораи ташаббуси Тоҷикистон роҷеъ ба об дар СММ
ДУШАНБЕ, 09.01.2017. /АМИТ «Ховар»/. 7 январи 2017 аксари расонаҳои электронии Миср бо истинод ба Бунгоҳи хабарии Ховари Миёна (Middle East News Agency — MENA) хабареро дар бораи ташаббуси кишвари мо роҷеъ ба об дар СММ мунташир намуданд. Дар ин бора аз СафоратиҶумҳурии Тоҷикистон дар Қоҳира хабар доданд.
Ҳоло дар зер тарҷумаи хабари мазкур пешниҳод мешавад:
«СММ ташаббуси Тоҷикистон дар бораи эълони Даҳсолаи байналмилалии об, 2018-2028-ро пазируфт
Қоҳира, (МЕНА). Сафири Тоҷикистон дар Қоҳира Хусрав Нозирӣ баён намуд, ки чанде пеш Маҷмаи Умумии СММ ташаббуси Тоҷикистон дар бораи эълон кардани Даҳсолаи байналмилалии амал «Об барои рушди устувор», солҳои 2018-2028-ро пазируфт. 177 кишвари узви СММ, аз ҷумла Миср ба рӯйхати бониёни қатъномаи дахлдор пайвастанд.
Ӯ дар баёнияи худ ба Бунгоҳи хабарии Ховари Миёна рӯзи шанбе гуфт, ки қарор аст ин Даҳсола аз Рӯзи ҷаҳонии об, ки ба 22 марти соли 2018 рост меояд, оғоз гардида, 22 марти соли 2028 ба поён расад. Дар давоми Даҳсолаи мазкур таваҷҷуҳи бештар ба рушди пойдор ва мудирияти ҷомеи захираҳои обӣ дар ҳамаи сатҳҳо, татбиқ ва таблиғи барномаҳо ва лоиҳаҳои дахлдор, инчунин ба густариши ҳамкорӣ ва шарокат дар ҳамаи сатҳҳо ба манзури мусоидат дар амалӣ гардидани ҳадафу вазифаҳои рушди марбут ба об, ки дар сатҳи байналмилалӣ ҳамоҳанг гардидаанд, аз ҷумла ҳадафҳо ва вазифаҳое, ки дар Дастури кори рушди пойдор то соли 2030 омадаанд, дода хоҳад шуд.
Х.Нозирӣ ишора намуд, ки ин ташаббусро бори нахуст Президенти Ҷумҳурии Тоҷикистон Эмомалӣ Раҳмон дар ҳафтумин Форуми ҷаҳонии об, ки 12 апрели 2015 дар Ҷумҳурии Корея баргузор гардид, эълон карда буд».
Қобили зикр аст, ки хабари мазкурро илова ба расонаҳои мисрӣ, расонаҳои дигари арабӣ, аз қабили иморотӣ, қатарӣ ва ғайра дар саҳифаҳои электронии худ бознашр кардаанд.
«МИРЗО ТУРСУНЗОДА ДАВОМДИҲАНДАИ НАЗМИ ҲАЗОРСОЛАИ ХАЛҚИ ТОҶИК МЕБОШАД». Андешаҳои адибони бузург дар васфи шоир
Дар Донишкадаи саноат ва хизматрасонӣ доир ба инкишофи фанҳои табиатшиносӣ, дақиқ ва риёзӣ конференсия доир шуд
Аз ҷониби Кумитаи ҳифзи муҳити зист ба шаҳру ноҳияҳои Тоҷикистон 25 электромотороллер дастрас гардид
Бар асари бориши зиёд дар Бразилия панҷ нафар ҳалок ва 18 нафар бедарак шудаанд
Дар Чин шумораи бар асари фурӯравии қитъаи роҳи баландсуръат ҳалокшудагон ба 36 нафар расид
Хонандагони муассисаҳои таълимии Норак дар олимпиадаҳои байналмилалӣ соҳиби 35 медал шуданд
Имрӯз дар Тоҷикистон ҳаво тағйирёбандаи бебориш мешавад
Дар Қазоқистон беш аз 6,5 ҳазор нафар бинобар обхезиҳо дар нуқтаҳои бехавф боқӣ мемонанд
Бар асари гармои шадид дар Бангладеш 10 нафар ҳалок шуд
Дар Кения бар асари пайомадҳои обхезӣ дар як моҳ беш аз 160 нафар ба ҳалокат расид
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
