Роҳпаймоӣ дар Конибодом бахшида ба Соли ҷавонон

ДУШАНБЕ, 28.01.2017. /АМИТ «Ховар»/. 27 январ бахшида ба эълон гардидани соли 2017 ҳамчун Соли ҷавонон дар шаҳри Конибодом раҳпаймоӣ доир гардид, ки дар он зиëда аз 1000 нафар ҷавонон иштирок намуданд.
Иштирокчиён бо шиору овезаҳо ва парафшон кардани Парчами давлатӣ то назди боғи истироҳатии шаҳр роҳпаймоӣ намуданд.
Баъд аз роҳпаймоӣ намояндаи Мақомоти иҷроияи ҳокимияти давлатии шаҳри Конибодом Баҳодур Маҳмудов зикр намуд, ки Асосгузори сулҳу Ваҳдати миллӣ-Пешвои миллат муҳтарам Эмомалӣ Раҳмон аз рӯзҳои аввали фаъолияти худ ҷавононро қувваи пешбарандаи ҷомеа меҳисобанд. Аз ин ҷост, ки дар Паëми навбатии худ соли 2017-ро дар қаламрави мамлакат Соли ҷавонон эълон карданд. Эълон гардидани Соли ҷавонон амри таърихӣ буда, дар рушди сиëсати давлатии ҷавонон ва тарбияи ватанпарастонаи онҳо нақши назаррас дорад.
Баъдан ҷавонони ватандӯст дар дохили боғи истироҳатии шаҳри Конибодом зиёда аз 300 бех ниҳолҳои ороишиву cояафкан шинониданд. «Мо ба он хотир имрӯз ниҳол шинонида истодаем, ки фардо дарахтони ҳамешасабзи диёр афзуда, ҳусни Ватанамон зиёда гардад. Онҳо нишона аз соли ҷавонон хоҳанд буд», — иброз доштанд ҷавонони шаҳри Конибодом.