Усейн Болт аз медали тиллои Пекин-2008 маҳрум карда шуд
ДУШАНБЕ, 26.01.2017/АМИТ «Ховар»/. Яке аз машҳуртарин давандагони дунё-Усейн Болти ямайкагӣ аз медали тиллои Бозиҳои тобистонаи олимпии Пекин-2008 дар эстафетаи 4 ба 100 метр бо ҷурми истифодаи допинг маҳрум карда шуд. Сомонаи Кумитаи байналмилалии олимпӣ хабар медиҳад, ки дар эстафетаи чорнафараи давидан ба масофаи 100- метрӣ ҳамроҳи Усейн Болт Неста Картер аз маводи мамнӯъ истифода бурдааст ва ташхису таҳлилҳо дар ин бора гувоҳӣ медиҳанд.
Дар ташхиси хуни Неста Картер истифодаи туринабол пайдо шудааст, ки ба қатори маводи допингӣ шомил мебошад. Ба ин хотир ҳамаи давандаҳо аз Ямайка дар эстафетаи 4 ба 100 метр аз медалҳояшон маҳрум карда шуданд.
Усейн Болти 30-сола дар се Олимпиада иштирок кардааст: Пекин-2008, Лондон 2012 ва Рио де Жанейро-2016. Дар ин олимпиадаҳо ӯ дар давидан соҳиби 9 медали тилло ( 100 метр, 200 метр ва эстафета 4Х100) гардидааст. Ҳамчунин Усейн Болт дар чемпионатҳои ҷаҳон 11 ғалаба ба даст овардааст.
Ӯ дар давидан ба масофаи 100 ва 200 метр рекордсмени ҷаҳон мебошад (9,58 ва 19,19 сония ).
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
