Ясмин Гуедар: «Оромии Тоҷикистон барои фаронсавиҳо бисёр муҳим ба шумор меравад»
ДУШАНБЕ, 23.01.2017. /АМИТ «Ховар»/. 21 январи соли равон Вазири корҳои дохилии Ҷумҳурии Тоҷикистон Рамазон Раҳимзода бо Сафири Фавқулода ва Мухтори Ҷумҳурии Франсия дар Ҷумҳурии Тоҷикистон Ясмин Гуедар вохӯрӣ доир намуд.
Тавре аз ВКД хабар доданд, дар вохӯрӣ Рамазон Раҳимзода хонум Ясмин Гуедарро барои таъйин шудан ба ин вазифаи пурмасъули давлатӣ табрик намуда, дар иҷрои вазифаҳои хизматӣ комёбиҳо таманно намуд. Зикр гардид, ки муносибатҳои дипломатӣ байни ҷумҳуриҳои Тоҷикистон ва Франсия аз 3 марти соли 1992 ба роҳ монда шудаанд. Дар ин замина Сафорати Ҷумҳурии Тоҷикистон дар шаҳри Париж соли 2013 ифтитоҳ гардид. Зимни вохӯрӣ ҷонибҳо масоили мубориза бар зидди терроризм, экстремизм, гардиши ғайриқонунии маводи мухаддир, силоҳ, ҳолатҳои фавқулодаи табиӣ, мубодилаи иттилоот ва таҷрибаро мавриди баррасӣ қарор доданд.
«Ҳамкории мутақобилан судманд дар оянда боз ҳам тақвият ёфта, муборизаи дастаҷамъона бар зидди ҳама гуна зуҳуроти номатлуб самараи дилхоҳ ба бор меорад. Оромии Тоҷикистон барои мо фаронсавиҳо бисёр муҳим ба шумор меравад» — афзуд дар ҷараёни мулоқот Сафири Фавқулода ва Мухтори давлати Франсия дар Ҷумҳурии Тоҷикистон хонум Ясмин Гуедар.
Тарафайн ҳамчунин атрофи масоили пешгирии шомилшавии ҷавонон ба ҳизбу ҳаракатҳои ғайриқонунӣ, иштироки онҳо дар низоъҳои мусаллаҳонаи давлатҳои хориҷӣ ва тарбияи дурусти онҳо ибрози андеша намуданд.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
